Kua Feafeaʼi Te Fakaʼapaʼapa Kia Kita Totonu?
HE KOʼE ʼE MAʼUHIGA TE FAKAʼAPAʼAPA KIA KITA TOTONU?
Koteʼuhi ʼe tokoni mai ke kita fakalaka ʼi te ʼu fihifihia ʼaki he lotofalala pea ke mole tou lotovaivai gafua ai.
Neʼe maʼu mai te ʼu fekumi, ko natou ʼae ʼe mole lelei ʼanatou manatu ʼo ʼuhiga mo natou totonu, ʼe natou lotohoha anai, mo lotomamahi ʼaupito pea ʼe natou tau anai mo ni mahaki ʼo ʼuhiga mo tanatou kai. ʼE toe feala foki ke natou inu kava fakavale mo fakaʼaogaʼi te toloke.
Ko te hahaʼi ʼae ʼe fakaʼapaʼapa kia natou totonu ʼe mole natou fakatatau ia natou ki ʼihi. Koia ʼe faigafua ai hanatou felogoi lelei mo te hahaʼi pea mo maʼu he ʼu kaumeʼa ʼe lelei. Kae, ko natou ʼae ʼe mole fakaʼapaʼapa kia natou totonu ʼe feala ke natou faifatufatu, pea ʼe ko he aga ia ʼe fakatupu kovi ki te ʼu felogoi ʼa te hahaʼi.
Ko he tahi ʼe fakaʼapaʼapa kia ia totonu ʼe malohi ʼi te ʼu fihifihia. Logo la ʼe feala ke hoko ni aluʼaga ʼe mole iku lelei anai, kae ʼe ina fakahoko pe anai tana fakatuʼutuʼu. Kae ko ia ʼae ʼe mole fakaʼapaʼapa kia ia totonu ʼe ina fakaʼuhiga te ʼu fakatuʼutuʼu ʼae neʼe mole ina lava fakahoko ki ni toe fihifihia. Koia ʼe lotovaivai gafua ai.
TE MEʼA ʼAE ʼE FEALA KE KE FAI
Kotou filifili he ʼu kaumeʼa fakalotomalohi. Kotou fakatahi mo te hahaʼi aga fakaʼapaʼapa ʼae ʼe loto moʼoni ke kotou fiafia, pea ʼe kotou falala ai anai kia koutou.
Kotou tokoni ki ʼihi. Kotou agalelei pea mo fai he ʼu meʼa maʼa ʼihi, tafito kia natou ʼae ʼe mole feala hanatou foaki atu he meʼa. ʼE kotou maʼu anai ia te fiafia moʼoni ʼae ko te fiafia moka kita foaki. Pea ʼe kotou logoʼi anai te fiafia ʼaia tatau aipe pe ʼe mole vikiʼi koutou ki ʼakotou gaue.
Kotou tokoni ki ʼakotou fanau ke natou fakaʼapaʼapa kia natou totonu. Ohage la, kotou tuku ke natou fakatokatoka ʼonatou fihifihia ʼo mulimuli pe ki ʼonatou fealagia mo kapau ʼe feala. Ko he puleʼaki lelei ʼaia, ke natou iloʼi pe ʼe feafeaʼi hanatou tauʼi te ʼu fihifihia ʼo te maʼuli. ʼE tokoni te fahaʼi ʼaia ki te fanau ke fakaʼapaʼapa kia ia totonu ʼi te temi nei pea moka lahi.
TE MEʼA ʼAE ʼE MATOU FAI
ʼE fai e te kau Fakamoʼoni ʼa Sehova he ʼu fono pea mo he ʼu ako Fakatohi-tapu. ʼE tokoni te ʼu fono mo te ʼu ako ʼaia ki te hahaʼi ke lelei tonatou faʼahiga maʼuli ʼo toe feia mo tanatou fakaʼapaʼapa ʼae kia natou totonu.
TE ʼU FONO ʼI TE VAHAʼA FULI
ʼE feala ke ʼomai te hahaʼi fuli ki ʼamatou fono pea ʼe mole fai he tae falā. ʼE tau fai ai he ʼu akonaki Fakatohi-tapu ʼo ʼuhiga mo te fakaʼapaʼapa kia kita totonu. Ohage la, ʼe kotou ako anai . . .
pe koʼe ʼe kotou maʼuhiga ki te ʼAtua
pe ʼe kotou maʼu feafeaʼi te ʼuhiga moʼoni ʼo tokotou maʼuli
pe ʼe kotou maʼu feafeaʼi he ʼu kaumeʼa lelei mo tologa
Pea tahi, ʼe kotou felaveʼi anai mo ni hahaʼi ʼe aga fakakaumeʼa ʼe natou “fetokagaʼaki.” —1 Kolonito 12:25, 26.
Kapau ʼe kotou fia maʼu he tahi ʼu fakamahino ki ʼamatou fono, kotou sioʼi ʼi te jw.org te ʼata viteo nounou Kotea ʼAe ʼe Fai ʼi Te Fale Fono?
TE ʼU AKO FAKATOHI-TAPU
ʼE mole totogi te ʼu ako pea ko he ʼu faipalalau ki te Tohi-Tapu ʼe fai ʼaki te tohi Ke Ke Fiafia ʼo Heʼe Gata. ʼE uga e te tohi ʼaia ia te hahaʼi ke natou fakakaukauʼi ni vaega pea ʼe tokoni ki ai te ʼu fehuʼi. ʼE tau hoa pe te akonaki mo ʼona pāki pea mo te ʼu ʼata viteo. Pea ʼe tokoni te ʼu ako ʼaia ki te hahaʼi ke natou fakaʼapaʼapa kia natou totonu ʼo lelei age ai tonatou faʼahiga maʼuli.
Kotou vakaʼi te ʼu fua lelei ʼe feala ke kotou maʼu moka ʼe kotou ako te Tohi-Tapu mo te kau Fakamoʼoni ʼa Sehova ʼo kotou sioʼi te ʼata viteo nounou He koʼe ʼe Lelei Ke Ke Ako Te Tohi-Tapu?