Kotou Kumi ʼi Te JW.ORG Te Poto ʼAe ʼe ʼAoga Ki Te Maʼuli

ʼE tou maʼu ʼi te Tohi-Tapu ia te ʼu tokoni ʼe ʼaoga moʼo tauʼi te ʼu faigataʼaʼia ʼae ʼe tou tau mo ia ʼi te ʼu ʼaho fakamuli. (2Ti 3:1, 16, 17) Kae ʼi ʼihi temi ʼe ʼaoga ke tou kumi he ʼu pelesepeto Fakatohi-tapu ʼo ʼuhiga mo he aluʼaga ʼe tou tau mo ia. Ohage la, ʼe kumi e he ʼu matuʼa he ʼu tokoni ʼo ʼuhiga mo te akoʼi ʼo te ʼu fanau, peʼe ko he tupulaga ʼi te ʼahiʼahiʼi ʼo tana tui, he fafine pe ko he tagata vitua ʼe mamahi ʼuhi ko te mate ʼo tona ʼohoana. ʼE tokoni mai anai te jw.org ke tou maʼu gafua te ʼu pelesepeto ʼae ʼe ʼaoga ki tou aluʼaga pea mo ʼihi atu.—Taa 2:3.

ʼI totatou pasina jw.org, lomiʼi AKONAKI FAKATOHI-TAPU. (Vakaʼi te pāki 1.) Filifili ʼi te lisi ʼae ʼe ha atu he manatu. Peʼe ʼi te fakafalani lomiʼi BIBLIOTHÈQUE > RUBRIQUES pea mo ke filifili he manatu. (Vakaʼi te pāki 2.) ʼE toe maʼu te ʼu manatu ʼaia ʼi te JW Library^®.a ʼE ke fia alu anai muʼa ʼo vakavakaʼi te ʼu manatu ʼae ʼi te ʼu pasina ʼaia. Kae kapau ko he manatu ʼe ke fia mahino ki ai, haga ʼo ta he kupu ʼi te kumiʼaga ʼo te jw.org.

Ta te ʼu manatu ʼaeni ki te kumiʼaga ʼo te jw.org pea ke tohi te ʼu alatike ʼae ka ke fia lau anai.

• Akoʼi te fanau

• Tupulaga lotomamahi

• Mate te ʼohoana