Neʼe Fakatuʼutuʼu Ia Tatatou Tuʼasila ʼAē ʼi Te Neti—Moʼo Tokoni Mai Kiā Tātou Pea Mo ʼIhi Atu
Neʼe fakatotonu mai e Sesu ke tou fakamafola ia te logo lelei ʼo te puleʼaga “i te malamanei katoa ke fakamooni ki te u puleaga fuli.” (Mat. 24:14) Koia ke feala hatatou “fai ke katoa lelei” tatatou minisitelio, neʼe fakatahiʼi te ʼu tuʼasila watchtower.org pea mo te jw-media.org ki he tuʼasila pe e tahi ʼaē ko te jw.org.—2 Tim. 4:5.
“I Te Malamanei Katoa”: ʼI te mālamanei, kua kaugamālie ia te hahaʼi ʼaē ʼe natou fakaʼaogaʼi ia te Neti. Ko te fealagia maʼuhiga ʼaia maʼa te hahaʼi, tāfito ki te kau tupulaga, ke natou maʼu mai ai he ʼu logo. Koia ʼe feala ai kiā nātou ʼaē ʼe natou fakaʼaogaʼi ia te Neti ke natou maʼu he ʼu tali Fakatohi-tapu ki ʼanatou fehuʼi. Neʼe fakafealagia kiā nātou ke natou felōgoi mo te kautahi ʼa Sehova pea mo kole ke fai hanatou ako Tohi-Tapu ʼi ʼonatou ʼapi, ʼe mole fakatotogi. Neʼe feala ai kiā nātou ʼaē ʼe māʼuʼuli ʼi te ʼu koga meʼa ʼaē ʼe tuʼu mamaʼo ke natou maʼu ia te logo lelei ʼo te Puleʼaga.
“Te u Puleaga Fuli”: Kapau ʼe tonu ke fai he fakamoʼoni ki te ʼu puleʼaga fuli, ʼe maʼua leva ke fakahā ia te ʼu moʼoni Fakatohi-tapu ʼi he ʼu lea kehekehe. Koia ʼe faigafua ai kiā nātou ʼaē ʼe natou fakaʼaogaʼi ia te tuʼasila jw.org, hanatou maʼu ʼi ai ia he ʼu logo ʼi he ʼu lea e teitei 400, pea ʼe mole he tahi age tuʼasila ʼi te Neti ʼe ʼi ai hona fakatatau.
Kotou Fakaʼaogaʼi Lelei: Neʼe mole fakatuʼutuʼu pē ia te tuʼasila jw.org moʼo tokoni ki te hahaʼi ʼaē ʼe mole tui. ʼE toe ʼaoga pē foki maʼa te kau Fakamooni ʼa Sehova. Kapau ʼe kotou maʼu ia te Neti, ʼe fakalotomālohiʼi koutou ke kotou fakaʼaogaʼi ia te tuʼasila jw.org. Koʼenī te ʼu kiʼi tokoni ʼo ʼuhiga mo tona faʼahiga fakaʼaogaʼi.
[Paki ʼo te pāsina 3]
(Vakaʼi te nusipepa)
Kotou Fai Ia Te Faʼahi ʼAenī
1 Kotou tā ia te tuʼasila www.jw.org ʼi te Neti.
2 Lomiʼi ki te ʼu kupu tāfito moʼo fai he ʼu fekumi ʼi te tuʼasila.
3 ʼE toe feala pē ke kotou maʼu tatau ia te ʼu logo ʼaki takotou kiʼi telefoni feʼaveʼaki, ʼi te tuʼasila jw.org.