“Te ʼu Manatu Moʼo Tufa Te ʼu Nusipepa ʼo Tesepeli”

ʼE fai tuʼa tahi ʼi te māhina fuli, ʼi te Fono Gāue, ia te akonaki ʼaē ki te tufa ʼo te ʼu nusipepa. Neʼe mole ko he fakatuʼutuʼu ke tou talanoa ki te ʼu ʼalatike fuli ʼo te ʼu nusipepa. Kae neʼe fakatuʼutuʼu ia te akonaki ʼaia moʼo talanoa ki te ʼu manatu ʼo ʼuhiga mo te tufa ʼo te ʼu nusipepa. Koia ʼo mulimuli ki te ʼu fakatotonu ʼaē neʼe tuku mai, ʼe fai anai e te tehina ʼaē neʼe hinoʼi ke ina fai ia te akonaki ʼaia ia he ʼu palalau fakalotomālohi moʼo kamata ʼaki ia tana akonaki. ʼOsi ʼaia, kole ki te nofoʼaki ke natou fakahā he ʼu manatu ʼo ʼuhiga mo te ʼu ʼalatike ʼo te nusipepa, ke feala ai hanatou mulimuli pea mo tohi ia te ʼu manatu ʼaē ʼe ʼaoga anai ki tanatou gāue fai fakamafola. ʼE natou fakahā pē anai he ʼu fehuʼi ʼe feala ke natou lagaʼi peʼe ko he ʼu vaega Tohi-Tapu ʼe feala anai ke natou lau. Fakaʼosi ia te akonaki ʼaki ia he ʼu faʼifaʼitaki ki te tufa ʼo te ʼu nusipepa takitahi. ʼE fakalotomālohiʼi tātou ke tou lau ia te ʼu nusipepa ʼi muʼa ʼo tatatou ʼomai ki te fono, ke feala hatatou vaevae he ʼu manatu ʼo ʼuhiga mo tona tufa. Koia, kapau ʼe tou teuteuʼi lelei ia te fono ʼaia, ʼe feala anai ke tou fetokoniʼaki.—Taag. 27:17, MN.