Kotea takotou manatu ʼo ʼuhiga mo te ka haʼu?

ʼE UI ʼI TE TOHI-TAPU

“[Ko te ʼAtua] ʼe ina holoholoʼi anai te ʼu loʼimata fuli pe ʼi ʼonatou mata, pea ko te mate ʼe pulihi anai ia; ʼe mole toe ʼi ai anai he putu, he lauga, he mamahi. Ko te ʼu meʼa ʼafeā kua pulihi ia.”—Apokalipisi 21:3, 4, Traduction du monde nouveau.

TONA FAKAʼUHIGA KIA KOUTOU

•He gaue ʼe ʼaoga pea mo fakafiafia.​—Esaia 65:21-23.

ʼE mole toe ʼi ai anai he mahaki peʼe ko he mamahi.​—Esaia 25:8; 33:24.

He maʼuli fiafia ʼe mole hona gataʼaga mo tokotou famili pea mo ʼokotou kaumeʼa.​—Pesalemo 37:11, 29.

ʼE FEALA KOA KE TOU TUI KI TE TOHI-TAPU?

ʼEi, pea ko ʼona tupuʼaga ʼe lua:

• ʼE maʼu e te ʼAtua te fealagia ʼae ke ina fakahoko tana fakapapau. ʼI te Tohi-Tapu, ʼe fakahigoa tokotahi pe ia Sehova ʼAtua ko te “Atua Mafimafi,” heʼe mole fakatuʼakoi tona malohi. (Apokalipisi 15:3) Koia, ʼe ina maʼu te fealagia ʼae ke ina fakahoko tana fakapapau ʼae ko te fetogi ʼo te malamanei ke lelei age. Pea ʼe ui ʼi te Tohi-Tapu, ki te ʼAtua ʼe ina fealagia meʼa fuli.​—Mateo 19:26.

• ʼE loto e te ʼAtua ke ina fakahoko tana fakapapau. Ohage la, ʼe fakaʼamu Sehova ke ina fakatuʼuake te kau mate.—Sopo 14:14, 15.

  ʼE toe fakaha ʼi te Tohi-Tapu neʼe fakamalolo e Sesu, ia te ʼAlo ʼo te ʼAtua te kau mahahaki. He ko ʼe neʼe ina fai ia te ʼu faʼahi ʼaia? He neʼe loto ia ki ai. (Maleko 1:40, 41) Neʼe fakaha lelei e Sesu te loto ʼae ʼo tana Tamai ke tokoni kia natou ʼae ʼe maʼuʼuli fakaʼofaʼofa.​—Soane 14:9.

  Koia, ʼe tou tui papau, ʼe fia tokoni mai ia Sehova pea mo Sesu ke tou maʼu he ka haʼu fiafia!​—Pesalemo 72:12-14; 145:16; 2 Petelo 3:9.