HOKO ATU TONA ʼAʼAHI
AKO 9
Tou Lotomahino
Pelesepeto: “Kotou fakafiafia mo natou ʼae ʼe fakafiafia, kotou fetagihi mo natou ʼae ʼe fetagihi.”—Loma 12:15.
Te Meʼa ʼAe Neʼe Fai e Sesu
1. Sioʼi te ʼATA VITEO, peʼe lau ia Maleko 6:30-34. Pea tali ki te ʼu fehuʼi ʼaeni:
He koʼe neʼe fia nonofo ‘ ʼateaina’ ia Sesu mo ʼana apositolo?
Kotea ʼae neʼe ina uga ia Sesu ke ina akoʼi te hahaʼi?
Kotea ʼAe ʼe Tou Ako Mai Ai?
2. Tou lotomahino ki ʼihi pea mo fakaha ʼe natou maʼuhiga kia tatou kae mole ko te logo pe ʼae ʼe tou fakaha age.
Faʼifaʼitakiʼi Ia Sesu
3. Fagono lelei. Tuku te kilisitiano ʼaia ke ina fakaha te meʼa ʼae ʼe ina logoʼi pea ʼaua naʼa ke tuʼusi tana palalau. Ka palalau, ʼe fiafia anai moka ke tokagaʼi te meʼa ʼae neʼe ina ui.
4. Fakakaukauʼi tona aluʼaga. Ka ke manatuʼi ʼakolua faipalalau ʼi muʼa atu, fai te ʼu fehuʼi ʼaeni:
‘He koʼe ʼe ʼaoga ke ina iloʼi te moʼoni?’
‘ ʼE tokoni feafeaʼi anai ki ai tana ako te Tohi-Tapu ke lelei age tona maʼuli ʼi te temi nei mo te ka haʼu?’
5. Filifili he manatu ʼe alu tahi mo tona aluʼaga. Fakaha ki te tagata peʼe ko te fafine ka ina ako te Tohi-Tapu, pea ʼe ina maʼu anai te ʼu tali ki ʼana fehuʼi ʼo feia mo he ʼu tokoni ʼaoga.