Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • wp16 N° 1 p. 5
  • He Koʼe ʼe Fakaafe Tatou e Te ʼAtua Ke Tou Faikole?

Aucune vidéo n'est disponible pour cette sélection.

Il y a eu un problème lors du chargement de la vidéo.

  • He Koʼe ʼe Fakaafe Tatou e Te ʼAtua Ke Tou Faikole?
  • Te Tule Leʼo (Tufa)—2016
  • Manatu Tafito
  • He Tahi ʼu Alatike
  • ʼE fia kaumeʼa te ʼAtua mo koutou.
  • ʼE fia tokoni te ʼAtua kia koutou.
  • ʼE ʼaoga ki te tagata ke tauhi ki te ʼAtua.
  • ʼE Fagono Koa Te ʼAtua Ki ʼAu Faikole?
    Ko Te Tule Leʼo ʼe Ina Kalagaʼi Te Puleʼaga ʼo Sehova (Tufa)—2021
  • Ko Te Faikole ʼe Ko Te Pilivilesio Mai Te ʼAtua
    Kotea ʼAe ʼe Akoʼi Mai ʼi Te Tohi-Tapu?
  • Tou Fakaōvi Ki Te ʼAtua ʼi Te Faikole
    Koteā ʼAē ʼe Fakamaʼua Mai e Te ʼAtua Kia Tatou?
  • ʼE Fagono Mai Koa Ia Sehova Kiā Tātou?
    Tou Fakalogo Ki Te ’Atua Pea Ke Tou Mā’u’uli ’o He’egata
Hoko Atu
Te Tule Leʼo (Tufa)—2016
wp16 N° 1 p. 5

MANATU TAFITŌ | ʼE TONU KOA KE TOU FAIKOLE?

He Koʼe ʼe Fakaafe Tatou e Te ʼAtua Ke Tou Faikole?

ʼE fia kaumeʼa te ʼAtua mo koutou.

Ke feala ke maʼu he ʼu felogoʼi lelei e he ʼu kaumeʼa, ʼe tonu ke natou felogoʼi fakatahi. ʼO toe feia pe, ʼe fakaafe tatou e te ʼAtua ke tou palalau age kia te ia ke feala hatatou kaumeʼa mo ia. ʼE ina ui fenei: “E koutou kalaga mai anai kia au, pea e koutou olo anai; e koutou faikole mai anai kia au, pea e au fakalogo atu anai kia koutou.” (Selemia 29:12) Ka kotou palalau ki te ʼAtua, ʼe “kotou fakaoviovi [kia te ia] pea e fakaoviovi atu anai ia kia koutou.” (Sakopo 4:8) ʼE ui ʼi te Tohi-Tapu: “E ovi [Sehova] kia natou fuli ae e fetapa kia ia.” (Pesalemo 145:18) Ka lahi age tatatou faikole kia te ia pea ʼe toe malohi age anai tatatou fakakaumeʼa mo te ʼAtua.

“E ovi [Sehova] kia natou fuli ae e fetapa kia ia.” —Pesalemo 145:18

ʼE fia tokoni te ʼAtua kia koutou.

Neʼe ui e Sesu: “Pe ko ai ia koutou e ina foaki anai he foi maka ki tona foha, moka ina kole age kia ia he moi pane? Pee, kapau e ina kole age he moi ika, pe e ina foaki age anai kia ia he gata? Koia kapau ko koutou . . . e kotou iloi te foaki o ni mea lelei ki akotou fanau, pe e mole toe lahi age te fia foaki e takotou Tamai i selo o ni mea lelei kia natou ae e kole age kia ia?” (Mateo 7:9-11) ʼEi, ʼe fakaafe kotou e te ʼAtua ke kotou faikole koteʼuhi “e tokaga ia kia koutou” pea ʼe fia tokoni kia koutou. (1 Petelo 5:7) ʼE ina toe fakaafe koutou ke kotou palalau age kia te ia ʼo ʼuhiga mo ʼokotou fihifihia. ʼE ui fenei ʼi te Tohi-Tapu: “Aua naa koutou tuania o uhiga mo he mea e tahi, kae koutou fakaha ki te Atua te u mea ae e aoga kia koutou aki ni kole, mo ni kolekole, pea mo ni fakafetai.”—Filipe 4:6.

ʼE ʼaoga ki te tagata ke tauhi ki te ʼAtua.

Ko te kau poto sivi ʼo te ʼuluagaaga ʼo te tagata, neʼe natou tokagaʼi ko te toko lauʼi teau miliona hahaʼi ʼe natou logoʼi te ʼaoga ʼae ke natou faikole. ʼE toe kau ki te hahaʼi ʼaia ia natou ʼe mole tui ʼe ʼi ai he ʼAtua.a Koia, ʼe ha mai ai neʼe fakatupu te tagata mo te ʼaoga ʼae ke natou tauhi ki te ʼAtua. Neʼe ui fenei e Sesu: “E mole mauli anai te tagata ki te pane pe, kae ki te u folafola fuli ae e hau mai te gutu o te Atua.” (Mateo 4:4) Koia ʼae ʼe ʼaoga ai ke tou felogoʼi tuʼumaʼu mo te ʼAtua.

Kapau ʼe tou tali te fakaafe ʼa te ʼAtua ʼae ke tou faikole age kia te ia, kotea te ʼu lelei ka tou maʼu anai?

a Ko te sivi neʼe fai ʼi te taʼu 2012 e te Pew Research Center, ʼe fakaha ai ko te toko 11 ki te teau ʼo natou ʼe mole tui ʼe ʼi ai he ʼAtua, ʼe natou faikole tuʼa tahi ʼi te mahina.

Kotea Te ʼu Faikole ʼe Feala Ke Tou Fai?

ʼE fakaha ʼi te Tohi-Tapu ʼe kau ki te faikole te ʼu aluʼaga fuli ʼo totatou maʼuli. ʼE kau ki te faikole te ʼu aluʼaga ʼaeni:

  • Te Kofesio “Nee au fakaha kia koe taku agahala, nee mole au fufu taku agakovi.”—Pesalemo 32:5.

  • Te Lotofakafetaʼi “E matalelei ke fakavikiviki [kia Sehova].”—Pesalemo 92:2.

  • Te Fakavikiviki “E au fakafetai anai [kia Sehova] i te temi fuli; e tuumau anai tona fakavikiviki i toku gutu.”—Pesalemo 34:2.

  • Te Kole ʼo Te Takitaki “Taki au i te ala o au fakatotonu, koteuhi e au ofa ki ai.”—Pesalemo 119:35.

  • Te Kole ʼo Te Malohi “Mafuli mai ou mata kia au, pea ke ofa mai kia au, foaki te malohi ki tau tagata faifekau.” —Pesalemo 86:16.

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae