ʼE Fagono Mai Koa Ia Sehova Kiā Tātou?

ʼE fagono te ʼAtua ki tatatou ʼu faikole. 1 Petelo 3:12

Ko Sehova ʼe ko “Ia . . . ʼaē ʼe fagono ki te faikole.” (Pesalemo 65:2) ʼE ina loto ke tou palalau age kiā te ia ʼaki totatou loto kātoa.

Kotou faikole kiā Sehova kae ʼaua naʼa kotou faikole ki he tahi kehe.

ʼE lahi te ʼu meʼa ʼe feala ke kotou kole mokā kotou faikole. 1 Soane 5:14

Kotou faikole ke fakahoko te finegalo ʼo te ʼAtua ʼi te lagi pea ʼi te kele.

Kotou kole kiā Sehova ke tokoni atu kiā koutou ke kotou fai te meʼa ʼaē ʼe lelei. ʼE feala ke kotou toe faikole ʼo ʼuhiga mo te meʼa kai; mo te gāue, mo he nofoʼaga, mo te ʼu mutuʼi meʼa pea mo te mahaki.

Kotou faikole ʼaki te huafa ʼo Sesu. ʼE kotou fakahā ai ʼe maʼuhiga kiā koutou ia te ʼu gāue ʼaē neʼe ina fai maʼa koutou.