Kotou Haga ‘Fakaʼapaʼapa Ki Te ʼu Tagata ʼAia’

TALU mai te taʼu 1992, neʼe hinoʼi e te Kolesi Pule he kau tagata ʼafeā faiva mo fotufotuʼa ʼi te faʼahi fakalaumalie ke tokoni ki ʼana komite ke fakahoko ʼanatou gaue.a (Vakaʼi te kiʼi nota.) Ko te ʼu tehina tokoni ʼaia ʼe natou kau ki te ‘tahi ʼu ovi,’ pea ʼe maʼuhiga tanatou lagolago ki te Kolesi Pule. (Soane 10:16) ʼI te vahaʼa fuli, ʼe natou kau ki te fono ʼo te komite ʼae neʼe hinoʼi natou ki ai. Ko tanatou gaue, ko te foaki ʼo he ʼu logo ʼaoga mo ni manatu. Kaʼe ko te tonu fakaʼosi ʼe toʼo e te Kolesi Pule, pea ʼe tokakaga leva te ʼu tehina tokoni ke fakahoko moʼoni te ʼu fakatuʼutuʼu ʼaia. Tatau aipe pe kotea te gaue neʼe hinoʼi natou ki ai, kaʼe ʼe lotolelei te ʼu tehina ʼaia ʼi tona fakahoko. ʼE natou faifolau mo te ʼu tehina ʼo te Kolesi Pule ki te ʼu fakatahi lalahi mo makehe. ʼE toe hinoʼi natou ke olo ʼo ʼaʼahi te ʼu filiale ʼi tonatou ʼuhiga kau fakafofoga ʼo te pilo fakamalamanei.

Ko te tehina tokoni gaue talu mai te taʼu 1992, ʼe ina ui fenei: “Ko taku fakahoko lelei te ʼu gaue ʼae neʼe tuku mai kia au, ʼe ina fakafealagia ki te Kolesi Pule ke tokaga tafitō ki te ʼu aluʼaga fakalaumalie.” Ko te tahi tehina tokoni gaue lolotoga taʼu ʼe 20, ʼe ina ui fenei: “Ko he pilivilesio ʼe mole hona fakatatau pea neʼe mole au fakaʼamuʼamu ki ai.”

ʼE lahi ʼaupito te ʼu maʼua neʼe foaki e te Kolesi Pule ki te ʼu tehina agatonu ʼaia, pea ʼe ina leleiʼia tanatou gaue kinakina. Koia, tou haga “fakaapaapa [fuli] ki te faahiga tagata aia.”—Filipe 2:29.