Kotea ʼAe ʼe Ui ʼi Te Tohi-tapu?

ʼE ʼi ai koa he huafa ʼo te ʼAtua?

KO ʼIHI HAHAʼI ʼE NATOU UI ʼe mole ʼi ai hona huafa. ʼE ui e ʼihi ʼe higoa ko ʼAtua peʼe ʼAliki. Pea ko ʼihi ʼe natou toe ui ʼe lahi ʼona higoa. Kotea la tau ia manatu?

ʼE UI ʼI TE TOHI-TAPU

“Ko koe toko tahi ae e higoa ko [Sehova], ko koe ko te Maoluga i te kele katoa!”—Pesalemo 83:18.

KOTEA ʼAE ʼE TOE UI ʼI TE TOHI-TAPU?

• Logo la ʼe lahi te ʼu higoa fakatuʼulaga ʼo te ʼAtua, kaʼe ko tona higoa pe ʼe tahi.—Ekesote 3:15.

• Ko te ʼAtua ʼe mole ko he misitelio; ʼe ina loto ke tou ako ke tou iloʼi ia ia.—Gaue 17:27.

• Ko te iloʼi ʼo te huafa ʼo te ʼAtua, ʼe ko te kamataʼaga ʼaia ʼo he felogoʼi lelei mo ia.—Sakopo 4:8.

ʼE kovi koa te fakaʼaogaʼi ʼo te huafa ʼo te ʼAtua?

KOTEA TAU MANATU?

• ʼEi

• ʼOho

• Mahalo pe

ʼE UI ʼI TE TOHI-TAPU

“E mole ke takua noa anai te huafa o [Sehova], ko tou Atua.” (Ekesote 20:7) ʼE ko te faʼahiga fakaʼaogaʼi pe ʼe tahi ʼo te huafa ʼo te ʼAtua ʼe kovi, mo kapau ʼe tou fakaʼaogaʼi ʼi hona aluʼaga ʼe mole fakaʼapaʼapa.—Selemia 29:9.

KOTEA ʼAE ʼE TOE UI ʼI TE TOHI-TAPU?

• Neʼe iloʼi e Sesu te huafa ʼo te ʼAtua pea neʼe ina fakaʼaogaʼi.—Soane 17:25, 26.

• ʼE fakaafe tatou e te ʼAtua ke tou fakaʼaogaʼi tona huafa.—Pesalemo 105:1.

• ʼE faigaʼi e te ʼu fili ʼo te ʼAtua ke pulihi tona huafa.—Selemia 23:27.