Kotea ʼAe ʼe Ui ʼi Te Tohi-Tapu?
Kotea ia te Puleʼaga ʼo te ʼAtua?
KO ʼIHI HAHAʼI ʼE NATOU TUI ʼe ko te ʼafio ʼa te ʼAtua ʼi te ʼu loto ʼo te hahaʼi. Pea ko te manatu ia ʼa ʼihi, ʼe ko te ʼu faiga ʼa te tagata ke ina fakatuʼu ia te tokalelei ʼi te kele katoa. Kotea la tau ia manatu?
ʼE UI ʼI TE TOHI-TAPU
“E fakatupu anai e te Atua o te atu lagi he puleaga ae e mole toe maumaui anai i he aho, . . . e ina fasifasii anai, pea e ina maumaui anai te u puleaga [fakatagata] fuli ake ae.” (Taniela 2:44) Ko te Puleʼaga ʼo te ʼAtua ʼe ko he puleʼaga moʼoni.
KOTEA ʼAE ʼE TOE UI ʼI TE TOHI-TAPU?
Ko te Puleʼaga ʼo te ʼAtua ʼe ʼafio ʼi te lagi. —Mateo 10:7; Luka 10:9.
ʼE fakahoko e te Puleʼaga ia te finegalo ʼo te ʼAtua ʼi te lagi pea mo te kele.—Mateo 6:10.
Ko ʼafea ʼae ka haʼu ai anai te Puleʼaga ʼo te ʼAtua?
KOTEA TAU MANATU?
ʼE mole he tahi ʼe ina iloʼi
Kua vave pe
ʼE mole haʼu anai ia
ʼE UI ʼI TE TOHI-TAPU
“E fakamafola anai te logo lelei aeni o te puleaga i te malamanei katoa, ke fakamooni ki te u puleaga fuli. Pea e hau anai te fakaosi.” (Mateo 24:14) ʼE tonu muʼa ke fakamafola te logo lelei ʼi te malamanei katoa pea hoki haʼu leva te Puleʼaga ʼo fakagata ia te tuʼu agakovi ʼaeni.
KOTEA ʼAE ʼE TOE UI ʼI TE TOHI-TAPU?
ʼE mole he tahi ʼi te kele ʼe ina iloʼi te ʼaho ʼae ka haʼu ai anai te Puleʼaga ʼo te ʼAtua.—Mateo 24:36.
ʼE ha mai ʼi te ʼu lea fakapolofeta ʼo te Tohi-Tapu, kua vave haʼu ia te Puleʼaga ʼo te ʼAtua.—Mateo 24:3, 7, 12.