Kotea ʼAe ʼe Ui ʼi Te Tohi-Tapu?

Ko te ʼAtua koa ʼae ʼe haʼu ai te ʼu mamahi?

Kotea tau manatu?

• ʼEi

• ʼOho

• Mahalo pe

ʼE ui ʼi te Tohi-Tapu

“E mamao osi i te Atua te mea ae e hala, e mamao osi i te Mafimafi te agakovi!” (Sopo 34:10) ʼE mole ʼi ai he temi ʼe haʼu ai mai te ʼAtua ia te agakovi pea mo te maʼuli mamahi ʼae ʼe tou sisio ki ai.

Kotea ʼae ʼe toe ui ʼi te Tohi-Tapu?

• Ko Satana te Tevolo, ʼe ko “te pule ʼo te malamanei,” pea ʼe ko ia tafito te tupuʼaga ʼo te ʼu mamahi.—Soane 14:30.

• Pea tahi, ko te ʼu mamahi pea mo te agakovi ʼe ko te ʼu nunuʼa pe ia ʼo te ʼu tonu kovi ʼae ʼe toʼo e te hahaʼi.—Sakopo 1:14, 15.

ʼE gata anai koa te mamahi?

Ko ʼihi hahaʼi ʼe natou tui

ʼe feala pe ke pulihi te mamahi e te hahaʼi mo kapau ʼe natou gaue fakatahi ki ai. Kaʼe ʼe mole falala ʼihi ʼe fetogi anai te ʼu aluʼaga ʼae ʼe hoko ʼi te malama. Kotea tau manatu?

ʼE ui ʼi te Tohi-Tapu

ʼE pulihi anai e te ʼAtua ia te mamahi. “ ʼE mole toe ʼi ai anai te mate, mo te putu, mo te lauga pea mo te mamahi.”—Fakaha 21:3, 4.

Kotea ʼae ʼe toe ui ʼi te Tohi-Tapu?

• ʼE fakaʼaogaʼi anai e te ʼAtua ia Sesu moʼo pulihi te mamahi ʼae ʼe tupu mai te Tevolo.—1 Soane 3:8.

• ʼE maʼuʼuli anai te hahaʼi agalelei ʼi te tokalelei ʼi te kele ʼo talu ai.—Pesalemo 37:9-11, 29.