ʼE Logoʼi Feafeaʼi e Te ʼAtua ʼOu Mamahi?

ʼE manatu ʼihi ʼe mole sio ifo pea ʼe mole tokaga ia te ʼAtua ki ʼonatou mamahi.

ʼE UI ʼI TE TOHI-TAPU

• ʼE sio ifo te ʼAtua pea ʼe tokaga mai

  “Neʼe sio ia Sehova ko te agakovi ʼa te tagata kua lahi ʼaupito ʼi te kele . . .  pea neʼe mamahi ai tona loto.”—Senesi 6:5, 6, MN.

• ʼE pulihi anai e te ʼAtua ia te mamahi

  “ ʼE kei toe he ki’i temi si’i pe, pea pulihi anai ia te tagata agakovi; ’e ke sio anai ki tona nofoʼaga, kae kua puli ia. Kae ’e ma’u anai e te kau agavaivai te kele, pea ’e natou fiafia mo’oni anai ’i te mahu ’o te tokalelei.”—Pesalemo 37:10, 11, MN.

• Te fakaʼamu ʼa te ʼAtua ʼo ʼuhiga mo koe

  “ ‘Kua au iloʼi lelei ʼaku manatu ʼo ʼuhiga mo kotou,’ ko te ui ʼaia ʼa Sehova, ‘ ʼe ko he ʼu manatu ʼo te tokalelei, kae mole ko he ʼu manatu ʼo te malaʼia, ke au foaki atu he ka haʼu pea mo he ʼamanaki. ʼE kotou pauʼi anai au, ʼe kotou ʼomai mo faikole anai kia au, pea ʼe au fakalogo atu anai.’ ”—Selemia 29:11, 12, MN.

  ‘Ke ke fakaovi ki te ʼAtua, pea ʼe fakaovi atu anai.’—Sakopo 4:8.