Kotea ʼAe ʼE Ui ʼI Te Tohi-tapu?

ʼE feala anai koa ke maʼu te tokalelei ʼi te kele ʼi he temi?

Kotea tau manatu?

• ʼEi

• ʼOho

• Mahalo pe

ʼE ui ʼi te Tohi-Tapu

ʼI te temi ʼae ʼe ʼafio ai ia Sesu Kilisito “e lahi anai te tokalelei o kaku ki te puli o te mahina.” Ko tona fakaʼuhiga ʼo talu ai.—Pesalemo 72:7.

Kotea ʼae ʼe toe ui ʼi te Tohi-Tapu?

• Ko te kau agakovi ʼe pulihi anai ʼi te kele ke feala ai ki te hahaʼi agalelei ke “natou fiafia lahi i te tokalelei.”—Pesalemo 37:10, 11.

• ʼE fakagata anai e te ʼAtua ia te ʼu tau.—Pesalemo 46:8, 9.

ʼE feala koa ke tou maʼu ia te tokalelei ʼo te fakakaukau ʼi te temi nei?

Ko ʼihi hahaʼi ʼe natou manatu . . .

ʼE mole feala ke tou maʼu te tokalelei ʼo te fakakaukau ʼi te malama ʼaeni ʼae ʼe fonu ai te mamahi mo te heʼe faitotonu. Kotea tau manatu?

ʼE ui ʼi te Tohi-Tapu

Maʼia mo te temi nei, ko natou ʼae pipiki ki te ʼAtua ʼe feala ke natou maʼu “te tokalelei ʼo te ʼAtua ʼae ʼe maʼoluga age ʼi te ʼu ʼatamai fuli.”—Filipe 4:6, 7.

Kotea ʼae ʼe toe ui ʼi te Tohi-Tapu?

• ʼE fakapapauʼi mai e te ʼAtua ʼe ina pulihi anai te mamahi pea mo te heʼe faitotonu, ʼo ina “fakafoʼou ia meʼa fuli.”—Fakaha 21:4, 5.

• ʼE feala ke tou maʼu ia te tokalelei ʼo te fakakaukau ʼaki tatatou tokakaga ki “te ʼu meʼa fakalaumalie.”—Mateo 5:3.