ʼUluaki Palalau

KOTEA TAU MANATU?

ʼI te tohi ʼo Fakaha ʼe talanoa ai ki he ʼu tagata heka hosi ʼe toko fa. Ka logo ʼihi ki te fakamatala ʼaia, ʼe natou matataku. Pea ko ʼihi ʼe natou fia iloʼi. Kaʼe ʼe ui fenei ʼi te Tohi-Tapu ʼo ʼuhiga mo te lea fakapolofeta ʼaia:

Fiafia ia ia ʼae ʼe ina lau leʼo lahi pea mo natou ʼae ʼe fagono ki te ʼu folafola ʼo te lea fakapolofeta ʼaeni.”​—Fakaha 1:⁠3.

ʼI te nusipepa ʼaeni, ʼe fakamahino ai pe koʼe ʼe ko he logo lelei kia tatou ia te fakamatala ʼaia ʼo te ʼu tagata heka hosi ʼe toko fa.