Kotea ʼAe ʼe Ui ʼi Te Tohi-tapu?

ʼE fakaʼuhiga kitea ia Alamaketone?

Ko ʼihi hahaʼi ʼe natou manatu . . .

ʼe fakaʼuhiga anai ki he tautea lahi ʼaki he ʼu mahafu fakanukeleʼea peʼe ʼaki he ʼu tuʼutamaki fakanatula. Kotea tau manatu?

ʼE ui ʼi te Tohi-Tapu

Ko Alamaketone ʼe mole ko he koga meʼa moʼoni ia. Kae, ʼe fakaʼuhiga ki “te tau ʼo te ʼaho lahi ʼo te ʼAtua te Mafimafi,” ʼae ka ina fakaʼauha ai te kau agakovi.—Fakaha 16:14, 16.

Kotea ʼae ʼe toe ui ʼi te Tohi-Tapu?

• Ko te ʼAtua ʼae ka tau anai ʼi Alamaketone. ʼE mole ina maumauʼi anai te kele, kae ʼe ina pulihi ia natou ʼae ʼe natou maumauʼi te kele.—Fakaha 11:18.

• ʼE fakagata anai ʼi Alamaketone ia te ʼu tau fuli.—Pesalemo 46:9, 10.

ʼE feala koa ke tou hao mai Alamaketone?

Kotea tau manatu?

• ʼEi

• ʼOho

• Mahalo pe

ʼE ui ʼi te Tohi-Tapu

Ko “he toe hahaʼi tokolahi” mai te ʼu puleʼaga fuli ʼae ka haofaki anai mai “te toe mamahi lahi,” ʼae ʼe fakaʼosi ʼaki anai te tau ʼo Alamaketone. —Fakaha 7:9, 14.

Kotea ʼae ʼe toe ui ʼi te Tohi-Tapu?

• ʼE loto e te ʼAtua ke haofaki te tokolahi mai Alamaketone. ʼE ina fakaʼauha anai te kau agakovi mo kapau ʼe mole natou fia fakahemala.—Esekiele 18:32.

• ʼE fakamahino mai ʼi te Tohi-Tapu pe ʼe feafeaʼi hatatou hao mai Alamaketone. —Sofoni 2:3.