Logo Faka Teokalatike

Alasatine: Ko te laka foʼou neʼe hoki maʼu ʼo te kau fai faka mafola ʼi fepualio ko te toko 98 601. ʼI te māhina pe ʼaia, neʼe papitema ai te ʼu tisipulo foʼou e toko 507.

Penine: Ko te laka foʼou ʼo te kau faka mafola ʼi fepualio ko te toko 2 967. Kapau ʼe fakatatau mo te gāue ʼo te taʼu kua hili, neʼe laka te kau faka mafola ʼi te 13,8 ki te teau, ko te ʼu hola ko te 6,1 ki te teau, ko te nusipepa neʼe tufa ko te 40,6 ki te teau, pea ko te ʼu ako faka tohi-tapu ko te 25,1 ki te teau.

Ekuatole: Ko te toko 23 176 kau faka mafola neʼe gāueʼi ʼi te minisitelio ʼi fepualio, ʼonatou taki te ʼu ako faka tohi-tapu e 42 219 ʼi te ʼu ʼapi. ʼO maʼu ai te tupu ʼo te kau faka mafola ko te toko 2 180 pea mo te ʼu ako faka tohi-tapu e 3 183 ʼi fepualio ʼo lahi ake ʼi te taʼu kua hili.

Ilelani: Ko te tuʼa 59 leva ʼaenī ʼo te laka ʼo te kau faka mafola ʼi fepualio ʼo maʼu ai te toko 4 093. Fakatuʼutuʼu lelei ki te temi ka haʼu ʼo te laka foʼou ʼo te ʼu ako faka tohi-tapu e 2 682.

Pelu: Ko te toko 43 366 kau faka mafola ʼi Pelu neʼe nātou fai te ʼu ʼaʼahi e 369 437 pea mo te ʼu ako faka tohi-tapu e 68 090 ʼi fepualio. Ko te toko 21 240 hahaʼi neʼe kau ki te avahi ʼo te Fale fakatahi neʼe laga ʼi Lima.

Tahisi: Ko te tupu ʼi fepualio ko te 13 ki te teau mo te toko 1 604 kau faka mafola. Neʼe maʼu ʼi Tahisi te tuʼa 64 laka ʼo te kau faka mafola.

Saʼile: Māʼiape la te ʼu maveuveu faka ekonomike pea mo faka politike ʼi te fenua ʼaia, ko te ʼu tēhina neʼe nātou fakahā neʼe nātou maʼu te laka ʼo te kau faka mafola ʼi fepualio ko te toko 71 098. Ko te tuʼa 9 ki te teau leva ʼaia tona tupu ʼi te ʼu taʼu kua hili. Ko te kau faka mafola ʼo te kokelekasio neʼe nātou gāueʼi te ʼu hola e 16,8 ʼi te gāue faka mafola. ʼI te temi nei ʼi Saʼile ko te toko 6 000 ʼe pionie katoa.

Ko Aruba, Kuatelupe, Malitinike, Saint-Christophe, pea mo te îles Vierges américaines, ʼi te ʼu koga meʼa fuli ʼaia ʼi Antilles, neʼe nātou fakahā tanatou laka foʼou ʼo te kau faka mafola ʼi fepualio.