Logo Faka Teokalatike

◼ ʼI te Potu Hahake ʼo Afelika, ko te ʼu fenua ʼo Bénin, mo Cameroun, mo Côte dʼIvoire, mo Ghana, mo Libéria, pea mo Nigéria neʼe nātou maʼu fuli te tupu foʼou ʼi te kau fai faka mafola ʼi Fepualio.

◼ Neʼe tokolahi te hahaʼi neʼe nātou toe liliu ki Libéria pea ʼi te fenua ʼaia neʼe lahi te hahaʼi ʼaē neʼe nātou fia logo ki te moʼoni. ʼI Fepualio, ko tanatou tupu foʼou neʼe ko te toko 2 286 kau fai faka mafola, pea neʼe nātou fai te ʼu ako Tohi-Tapu e 6 277.

◼ Neʼe tuputupu te kau fai faka mafola ʼi Macao ko te 16 ʼi te teau talu mai te taʼu ʼaenī kua hili, heʼe ʼi Fepualio neʼe ko te toko 135 kau fai faka mafola.

◼ ʼI te Potu Toga ʼo te Pasifika, ʼi Fisi, mo te ʼu motu ʼo Salomon, pea mo Tahisi, neʼe nātou maʼu fuli te tupu foʼou ʼi te kau fai faka mafola ʼi Fepualio.

◼ Neʼe maʼu e te motu ʼo Madagascar te tupu foʼou ʼi te kau fai faka mafola he neʼe aʼu ki te toko 9 484, ko te tuputupu ʼe 14 ʼi te teau talu mai te taʼu ʼaenī kua hili. Neʼe nātou fai mo te ʼu ako Tohi-Tapu e 20 000 ʼi Fepualio.