“Ko Ai ʼAē Ka ʼAlu Anai Maʼa Tatou?”

ʼI te temi ʼaē neʼe lagaʼi ai te fehuʼi e Sehova, neʼe foimo tali fēnei ia Isaia: “Koʼeni ʼau! Fekauʼi ʼau.” (Isaia 6:⁠8) Mai tona ʼaluʼaga ʼaē kua lahi te taʼukai ia ʼaho nei, ʼe toe fai pe te pāui ʼaia ʼi te temi nei. ʼE ʼaoga fakavilivili ke lahi ia nātou ʼaē ʼe gāue pionie katoa! (Mateo 9:​37) ʼE koutou lotolelei koa ʼo kau ia nātou ʼaia? Kapau ʼe feala, ʼi te ʼaho 1 ʼo Sepetepeli, ko te kamataʼaga ʼaia ʼo te taʼu gāue 1998, ʼe ko he temi lelei anai ke koutou kau ai ki te kau pionie. He koʼe ʼe mole koutou kole ki te ʼu tagata ʼāfea he pepa ʼo ʼuhiga mo te gāue pionie katoa?