Koteā Takotou Manatu Ki Te Foʼi Fime Viteo La Bible : une force dans votre vie

ʼI takotou tali ki te ʼu fehuʼi ʼaenī, koutou fakahā te ʼu meʼa ʼaē ʼe koutou logoʼi ʼi tokotou loto ʼo ʼuhiga mo te ʼu meʼa ʼaē neʼe koutou sio kiai ʼi te ʼu foʼi fime ʼaia. (1a) Koteā te mālohi ʼaē neʼe ina uga ai te toko lauʼi miliona hahaʼi ke nātou fetogi tonatou maʼuli? (Hep. 4:​12) (1b) Koteā ʼaē ʼe ʼaoga moʼo maʼu te mālohi ʼaia pea mo kita fakaʼaogaʼi ʼi tokita maʼuli? (2) Koteā te ʼu vaega ʼaē neʼe talanoa kiai moʼo tokoni ki te hahaʼi ʼohoana (a) ke nātou hikihiki tonatou ʼu felogoi pea (b) ke nātou loto lolomi? (3) Koteā te fetogi lelei ʼaē ʼe hoko mokā maʼu e he taumatuʼa te manatu faka Kilisitiano ʼo ʼuhiga mo te maʼuli faka famili? (Ef. 5:​28, 29) (4) Koteā te faʼifaʼitaki lelei ʼaē neʼe tuku e Sehova ʼAtua ʼi tana foaki ki te fānau te ʼu meʼa e tolu ʼaē ʼe nātou loto fuli kiai pea ʼe ʼaoga kia nātou, pea ʼe lava mulimuli feafeaʼi kiai te ʼu mātuʼa ia ʼaho nei? (Mko. 1:​9-​11) (5) He koʼe ʼe tonu ki te ʼu mātuʼa ke nātou akoʼi tonu te Tohi-Tapu ki tanatou fānau, pea koteā ʼaē ʼe ina fakahā mai ʼe tonu ke fai tuʼumaʼu te faʼahi ʼaia? (Teu. 6:​6, 7) (6) Koteā ʼaē ʼe lava fai e te ʼu mātuʼa ke lelei te ako faka famili? (7) ʼO hilifaki ki te ako faka Tohi-Tapu, koteā te tahi meʼa ʼaē ʼe fakaloto mālohi e te Folafola ʼa te ʼAtua ke foaki e te ʼu mātuʼa ki tanatou fānau? (8) ʼAki te ʼu tokoni faka Tohi-Tapu, ʼe lava feafeaʼi ki te ʼu famili ke nātou maui mālie ʼi te faʼahi faka paʼaga? (9) Koteā te ʼu pelesepeto faka Tohi-Tapu ʼaē ʼe nātou lava fakasiʼisiʼi te ʼu mahaki fakasino? (10) Koteā te ʼu fetogi ʼaē neʼe hoko ʼi tokotou maʼuli ʼaki te ʼu pelesepeto ʼo te Folafola ʼa te ʼAtua? (11) Kapau ʼe sioʼi te foʼi fime ʼaia e he tahi ʼe koutou ʼaʼahi ʼi te minisitelio, pea he koʼe ʼe feala ke fakaloto mālohiʼi ia ia ke ina tali hana ako Tohi-Tapu?