He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Mal.

“ ʼI tamatou fai palalau mo te hahaʼi, ʼe ʼui e ʼihi kapau ʼe tokaga ia te ʼAtua kiā tātou, pea he koʼē ʼe ina fakagafua ia te ʼu mamahi? Koteā tau manatu?” [Tuku ke fai mai hana tali. Pea kotou lau age ia Sopo 34:10.] Fakahā age ia te ʼalatike ʼaē ʼe kamata ʼi te pāsina 8.

Réveillez-vous! ʼo Mal.

“ ʼI tau manatu, ʼe mole kovi ia te ʼu meʼa fakamataku peʼe feala ke tou tuʼutāmaki ai? [Tuku ke fai mai hana tali.] ʼE fakahā ʼi te Tohi-Tapu ia te manatu lelei ʼaenī. [Lau age ia Isaia 65:11.] ʼE talanoa ʼi te ʼalatike ʼaenī peʼe tali koa ʼi te Tohi-Tapu ia te ʼu meʼa fakamataku.” Fakahā age ia te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo ʼApe.

“ ʼI te ʼaho fuli pē ʼe tou logo ki te mamahi, mo te mahaki pea mo te mate. Neʼe kua ke feʼekeʼaki koa pe pulihi anai ʼi he ʼaho te ʼu meʼa fuli ʼaia? [Tuku ke fai mai hana tali.] Neʼe maʼu e te toko lauʼi miliona hahaʼi ia te ʼamanaki ʼaki te vaega Tohi-Tapu ʼaenī. [Lau age ia Soane 3:16.] ʼE talanoa ʼi te nusipepa ʼaenī ki te kupu tāfito ‘ ʼE Lava Haofaki Feafeaʼi Koutou ʼAki Te Mate ʼo Sesu?’ ”

Réveillez-vous! ʼo ʼApe.

“ ʼE kotou manatu koa ʼe tou māʼuʼuli ʼi te temi ʼaē ʼe talanoa kiai ʼi te vaega ʼaenī? [Lau age ia 2 Timoteo 3:1-4. Pea kotou tuku ke fai mai hana tali.] ʼE lelei ke tou ʼiloʼi te temi ʼo te ʼu ʼaho fakamuli heʼe fakaʼiloga ai he ʼu meʼa lelei kā hoko ki te kele. ʼE fakamahino te faʼahi ʼaia ʼi te nusipepa ʼaenī.”