He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Mal.

“ ʼE ʼaoga kiā tatou ʼi ʼihi temi ke tou fakaʼaogaʼi hotatou kiʼi temi moʼo fai he kiʼi fakafiafia. Kae ʼe ʼi ai te ʼu fakafiafia ʼe mole lelei pea ʼe mole tali e te ʼAtua. Koteā la tau manatu? [Lau age ia 1 Kolonito 10:31. Koutou tuku ke fai mai hana tali pea koutou fakamatalatala te ʼu pāki e tolu ʼi te pasina 19.] ʼE ke maʼu anai ʼi te nusipepa ʼaenī te manatu ʼi te Tohi-Tapu ʼo ʼuhiga mo te faʼahi ʼaia.”

Réveillez-vous! ʼo Mal.

“Maʼa te tokolahi ko Sesu ʼe ko te ʼAtua. Kae ko Petelo, tisipulo ʼa Sesu, neʼe ina ʼui ko Sesu ʼe ko te ʼAlo ʼo te ʼAtua. [Lau age ia Mateo 16:16.] ʼI tau manatu ʼe feala koa kiā Sesu ke ʼAtua pea mo ʼAlo ʼo te ʼAtua? [Tuku ke fai mai hana tali.] Ko te alatike ʼaenī ʼi te pasina 12 mo te 13, ʼe tali ki te fehuʼi ʼaia ʼaki te ʼu manatu ʼaē ʼe tuʼu ʼi te Tohi-Tapu.”

Te Tule Leʼo ʼaho 1 ʼo ʼApe.

“Tokolahi iā tatou kua tou ʼiloʼi ia te mamahi ʼaē ʼe tou logoʼi mokā mate he tahi neʼe tou ʼofa mamahi ai. ʼE ke maʼu koa he fakaloto fīmālie ʼi te fakapapau ʼaenī? [Lau age ia Gaue 24:​15, pea tuku ke fai mai hana tali.] Kae ʼe tou lava lagaʼi ia te ʼu fehuʼi ʼaenī: Ko ai ʼaē ka fakatuʼuake? Ko ʼāfea ʼaē ka hoko ai ia te fakatuʼuake, pea ʼe hoko anai ʼi te potu fea?ʼE ke maʼu anai ʼi te nusipepa ʼaenī tona ʼu tali faka Tohi-Tapu.”

Réveillez-vous! ʼo ʼApe.

“Ko te tokolahi ʼe fia kaku ki te maʼuli fiafia, kae ʼe hage ʼe tokosiʼi te hahaʼi ʼaē ʼe nātou maʼu. ʼE ke sio koa ʼi te lisi ʼaenī, he meʼa ʼe feala anai ke tokoni ki te hahaʼi ke lahi age tonatou fiafia? [Fakahā age ia te fakamatala ʼaē ʼe ʼātakai ʼi te pasina 9. Pea lau age he vaega ʼi te ʼu vaega ʼaē ʼe tuʼu ai.] ʼE ke maʼu anai ʼi te Réveillez-vous ! ʼaenī, te puleʼaki faka Tohi-Tapu ke ke maʼu ia te fiafia moʼoni.”