He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Mal.

“ ʼE ma fia ʼiloʼi tau manatu ʼo ʼuhiga mo te vaega ʼaenī. [Lau age ia Mateo 5:10.] ʼE lava manuʼia feafeaʼi he tahi ʼe fakatagaʼi? [Tuku ke fai mai hana tali.] Ko te ʼu ʼuluaki alatike e lua ʼo te nusipepa ʼaenī ʼe ina fakamatala ko ʼihi neʼe nātou fiafia pe logola tanatou mamahi. ʼE lagi ʼe ke fia ʼiloʼi anai pe neʼe lava feafeaʼi te faʼahi ʼaia.”

Réveillez-vous ! ʼaho 8 ʼo Mal.

“ ʼE mole ke manatu koa la logola te ʼu fihifihia ʼi te maʼuli, kae ʼe kei feala pe ke tou loto fakafetaʼi? [Tuku ke fai mai hana tali.] Ko te tupuʼaga ʼaē ʼe tonu ai ke tou loto fakafetaʼi, ʼe ko totatou faʼahiga faʼu. [Lau age ia Pesalemo 139:14.] ʼE tou loto fakafetaʼi ʼaupito ʼi te fealagia ʼaē ke tou mahino ki te maʼuli pea mo tona maʼuhiga, ohage ko tona fakahā ʼi te Réveillez-vous ! ʼaenī!”

Te Tule Leʼo ʼaho 15 ʼo Mal.

“ ʼI tau manatu ʼe kei ʼaoga koa te ʼu akonaki ʼa Sesu ʼi totatou temi? [Tuku ke fai mai hana tali.] ʼE ke manatu tahi anai mo te fakatotonu ʼaē neʼe fai e Sesu ʼi te ʼaho fakamuli ʼo tona maʼuli. [Lau age ia Soane 15:12.] Neʼe toe akoʼi foki e Sesu te tahi ʼu ako maʼuhiga ʼi te ʼaho ʼaia. Ko Te Tule Leʼo ʼaenī ʼe ina fakahā mai peʼe lava feafeaʼi ke fua lelei kia tatou.”

Réveillez-vous ! ʼaho 22 ʼo Mal.

“Neʼe ke fakatokagaʼi koa kua tokolahi te hahaʼi ia ʼaho nei ʼe mole feʼauga tanatou moe? [Tuku ke fai mai hana tali.] ʼE lagi tupu ko te hoha peʼe ko te tuʼania. [Lau age ia Tagata Tānaki 5:12.] ʼE talanoa te nusipepa ʼaenī ki he ʼu tupuʼaga ʼo te mole mamoe ʼa ʼihi, pea ʼe ina foaki he ʼu tokoni ʼaoga ke lelei age tatatou moe.”