Ko Te Kaletalio 2011 ʼe Talanoa Tāfito Ai Ki Te Tauhi Fakafāmili

ʼE ko te Tauhi Fakafāmili ia te kupu tāfito ʼo te Calendrier des Témoins de Jéhovah 2011 (Te kaletalio 2011 ʼa te kau Fakamoʼoni ʼa Sehova). ʼE fakahā ʼi te kaletalio te maʼuli ʼo te ʼu fāmili ʼo te temi ʼaenī pea mo te maʼuli ʼo te ʼu fāmili ʼo te temi muʼa. ʼE ina toe fakahā mai mo te ʼu taumātuʼa pea mo te ʼu kaugana selipatea ʼa Sehova ʼe natou ako tana Folafola.

Ko te hahaʼi ʼaē ʼe tuʼu ʼi te kaletalio, ʼe natou fakafiafia ʼi te lao ʼa Sehova, pea ko he ʼaluʼaga neʼe maʼuhiga moʼo tokoni kiā nātou ke natou tauʼi tonatou ʼu fihifihia. (Pes. 1:2, 3) Kā tou sio ki te ʼu pāki takitahi, ʼe tou manatuʼi ai anai te maʼuhiga ʼaē ʼo te Tauhi Fakafāmili, peʼe tou kau ki he fāmili ʼe kaugamālie peʼe tokosiʼi, peʼe tou tauhi fuli kiā Sehova peʼe kailoa. Ko te kiʼi ava ʼaē ʼe tuʼu ʼi te kaletalio, ke kotou tohi ai te ʼaho ʼaē ʼe kotou fai ai takotou Tauhi Fakafāmili. Neʼe kua kotou tohi koa te ʼaho?