ʼE Kotou Tali Koa Te Ako ʼAē ʼe Foaki Mai e Sehova?

1. Koteā te manatu ʼa Sehova ʼo ʼuhiga mo te ako?

¹ ʼI tona ʼuhiga “Faiako Lahi,” ʼe loto e Sehova ke ina akoʼi tātou. (Isa. 30:20) Pea neʼe ina kamata akoʼi tātou ʼi tana ʼosi fakatupu ia tona ʼAlo ʼuluaki tupu. (Soa. 8:28) Neʼe mole fakagata e Sehova ia te ako ʼaia ʼi te talagataʼa ʼa Atama, kae neʼe hoko atu tana akoʼi te hahaʼi heʼe haohaoa ʼaki he lotoʼofa.—Isa. 48:17, 18; 2 Tim. 3:14, 15.

2. Koteā te ako lahi ʼaē ʼe lolotoga fakahoko nei?

² ʼE takitaki e Sehova te polokalama ako lahi ʼi temi nei. Ohagē lā ko tona fakakikite e Isaia, ko te ʼu toko lauʼi miliona hahaʼi mai te kele kātoa ʼe natou ʼolo fakatahi ki te “moʼuga [fakatā] ʼo te fale ʼo Sehova.” (Isa. 2:2) He koʼē ʼe tonu ke tou ʼolo fakatahi ki te moʼuga ʼo te fale ʼo Sehova? Ke ina ako mai kiā tātou tona ʼu ala! (Isa. 2:3) I te taʼu 2010, neʼe fakaʼaogaʼi e te kau fakamoʼoni ʼa Sehova iā hola e tahi miliale onogeau afe, moʼo fakamafola pea mo ako te moʼoni ʼo te Tohi-Tapu ki te hahaʼi. Pea tahi ʼaē, ʼi te vāhaʼa fuli, ʼe fai te ako fakalaumālie ʼi te ʼu kōkelekāsio e 105 000 tupu ʼi te kele kātoa, pea mo te ako ʼo te tohi Fakakilisitiano ʼaē neʼe tā e te tagata agatonu mo poto iā lea e 500 tupu.

3. Kotea te ʼu lelei neʼe kotou maʼu mai te ako ʼaē ʼe foaki e Sehova?

³ Ke Tou Maʼu Kātoa Tona Lelei: ʼE lava feafeaʼi hatatou maʼu kātoa te lelei ʼo te ako ʼaē ʼe foaki mai e te ʼAtua! Neʼe tou ako ko te ʼAtua ʼe ʼi ai tona huafa pea ʼe tokaga ia kiā tātou. (Pes. 83:18; 1 Pet. 5:6, 7) Neʼe tou ako te ʼu tali ki ʼihi ʼu fehuʼi maʼuhiga ʼo te maʼuli: He koʼē ʼe maʼuli mamahi pea mo mamate te hahaʼi? ʼE feafeaʼi haku maʼu te fiafia moʼoni? Koteā te fakatuʼutuʼu ʼo ʼuhiga mo te maʼuli? Neʼe toe foaki mai foki e Sehova he takitaki ke feala ke ‘manuʼia ai ʼotatou ala.’—Sos. 1:8.

4. Koteā te ʼu ako ʼe fakafealagia ki te kau kaugana ʼa te ʼAtua, pea he koʼē ʼe tonu ke tou tali te ako ʼaē ʼe foaki mai e Sehova?

⁴ Tahi ʼaē, ʼe fakafealagia e Sehova ki tana ʼu kaugana he ako e tokoni ke hikihiki ai tanatou gāue kiā te ia. ʼE tou maʼu ʼi te ʼu pāsina 4-6 he lisi ʼo te ʼu ako ʼe feala anai ke kau kiai niʼihi ia tātou. Kae tatau aipē peʼe feala ke tou kau ki he ako ʼe tuʼu ʼi te lisi ʼaia, ʼe tou faiga koa ke tou maʼu kātoa te lelei ʼo te ako Fakaʼatua ʼaē ʼe fakafealagia mai ke tou kau kiai? ʼE tou tokoni koa ki te kau tūpulaga, ʼaē ʼe uga e te kau faiako pea mo ʼihi atu ke natou ʼolo ki te ʼu faleako lalahi, ke natou fai he ʼu fakatuʼutuʼu fakalaumālie pea mo natou kau ki te ako ʼaē ʼe māʼoluga age—te ako ʼaē ʼe foaki e te ʼAtua? Ko te tali ʼo te ako ʼaia ʼe foaki e Sehova ʼe tokoni mai anai ke tou maʼu he maʼuli fiafia ʼi te temi nei pea mo he kā haʼu heʼegata.—Pes. 119:105; Soa. 17:3.

Te ʼu Ako ʼAē ʼe Fakafealagia e Te Kautahi ʼa Sehova

Ako Te Lautohi Mo Te Faitohi

• Fakatuʼutuʼu: Moʼo akoʼi te hahaʼi ke natou popoto ʼi te lautohi pea mo te faitohi ke feala ai hanatou ako te Tohi-Tapu pea mo ako ki ni ʼihi ia te moʼoni.

• Loaloaga: Mulimuli ki te temi ʼaē ʼe ʼaoga kiai.

• Koga Meʼa: Fale ʼo Te Puleʼaga.

• Ko Ai ʼAē ʼe Feala Ke Kau Kiai: Ko te kau fai fakamafola fuli mo nātou ʼaē ʼe fia kau kiai.

• Fakahoko: ʼE fai e te ʼu tagata ʼāfea te fakatuʼutuʼu ʼaia moʼo fakalotomālohiʼi kiā nātou fuli ʼaē ʼe ʼaoga ki ai te ako ʼaia.

Ako Fakateokalatike

• Fakatuʼutuʼu: Moʼo teuteuʼi te kau fai fakamafola ke natou faiva ʼi te fai fakamafola pea mo faiva ʼi te akoʼi te logo lelei ki te hahaʼi.

• Loaloaga: ʼE fai hoholo.

• Koga Meʼa: Fale ʼo Te Puleʼaga.

• Ko Ai ʼAē ʼe Feala Ke Kau Kiai: Ko te kau fai fakamafola fuli. ʼE toe kau kiai ia nātou ʼaē ʼe lagolago lelei ki te kōkelekāsio, mo talagafua ki te ʼu akonaki Fakatohi-tapu pea mo maʼuliʼi te ʼu pelesepeto Fakakilisitiano.

• Fakahoko: Fakafelōgoi mo te Taupau ʼo te Ako Fakateokalatike.

Ako ʼo He Tahi Lea

• Fakatuʼutuʼu: Moʼo akoʼi te kau fai fakamafola ke natou popoto ʼi te fagonogono ʼo te logo lelei ʼi he tahi lea.

• Loaloaga: Māhina e fā peʼe nima. ʼI te agamāhani, ʼe fai ʼi te ʼu Moeaki ʼuhu iā hola e tahi peʼe lua.

• Koga Meʼa: ʼI te agamāhani, ʼe fai ʼi te Fale ʼo Te Puleʼaga ʼaē ʼe ovi mai.

• Ko Ai ʼAē ʼe Feala Ke Kau Kiai: Ko te kau fai fakamafola fakapotopoto ʼaē ʼe natou fia fakamafola ʼi he tahi lea.

• Fakahoko: ʼE fai e te Filiale te fakatuʼutuʼu ʼaia moʼo akoʼi ia nātou fuli ʼaē ʼe ʼaoga ki ai.

Laga ʼo Te ʼu Fale ʼo Te Puleʼaga

• Fakatuʼutuʼu: Moʼo laga pea mo fakafoʼou he ʼu Fale ʼo Te Puleʼaga. ʼE mole ko he ako, kae ko he fakatuʼutuʼu ʼe akoʼi ai e te kau gāue he ʼu faiva gāue kehekehe ke feala ai hanatou tokoni ki ni ʼu fakatuʼutuʼu laga fale.

• Loaloaga: ʼE mulimuli ki te ʼu fealagia ʼo te kau gāue ʼaē ʼe natou foaki ʼaki he lotolelei.

• Koga Meʼa: ʼI he faʼahi pē kae ke gāue fakatahi mo te Komitē Laga Fale ʼaē neʼe hinoʼi ki tokotou kolo. ʼE feala ke fakaafe niʼihi ʼi te kau gāue ʼaia ke natou ʼolo ʼo tokoni ki he fenua mamaʼo neʼe hoko ai he tuʼutāmaki.

• Fakamaʼua: ʼE tonu ko he ʼu tehina mo tuagaʼane kua papitema pea kua tali leleiʼi ia nātou e te kolesi ʼo te ʼu tagata ʼāfea, ʼe natou maʼu he ʼu faiva gāue peʼe kailoa.

• Fakahoko: Tohi te pepa Construction des Salles du Royaume — Questionnaire pour les volontaires (S-82) ʼaē kā foaki atu e te kau tagata ʼāfea ʼo tokotou kōkelekāsio.

Ako ʼo Te Kau Pioniē

• Fakatuʼutuʼu: Moʼo tokoni ki te kau pioniē ke natou ‘fakahoko kātoa tanatou minisitelio.’—2 Tim. 4:5.

• Loaloaga: Vāhaʼa e lua.

• Koga Meʼa: ʼE fakatuʼutuʼu e te Filiale; ʼi te agamāhani ʼe fai ki he Fale ʼo Te Puleʼaga ʼaē ʼe ovi mai.

• Fakamaʼua: Ko nātou ʼaē neʼe pioniē kātoa lolotoga he taʼu peʼe laka atu.

• Ko Ai ʼAē ʼe Kau Kiai: Ko nātou ʼaē kua taʼu kātoa peʼe laka atu tanatou gāue pioniē kātoa, neʼe fakaafe natou e te taupau fakasilikō.

Ako ʼo Te Kau Petelite

• Fakatuʼutuʼu: Ko te ako ʼaia moʼo tokoni ki te kau Petelite foʼofoʼou ke natou fakahoko lelei tanatou gāue ʼi te Petele.

• Loaloaga: Hola kātoa ʼi te vāhaʼa lolotoga ia vāhaʼa e hogofulu-ma-ono.

• Koga Meʼa: ʼI te Petele.

• Fakamaʼua: ʼE tonu ko he Petelite peʼe ko he tahi kua fualoa tana gāue fakatemi ʼi te Petele (taʼu kātoa peʼe laka atu).

• Ko Ai ʼAē ʼe Kau Kiai: Ko te kau Petelite.

Ako ʼo Te Minisitelio ʼo Te Puleʼaga

• Fakatuʼutuʼu: Moʼo akoʼi te kau tagata ʼāfea mo te kau faifekau fakaminisitelio ke natou fakahoko ʼonatou ʼu maʼua ʼi te kōkelekāsio. (Gāue 20:28) ʼE ko te Kolesi Pule ʼaē ʼe ina fakatuʼutuʼu te taʼu ʼaē ʼe tonu ke fai ai te ako ʼaia.

• Loaloaga: ʼI te ʼu taʼu kua hili, neʼe takitaki ʼaho kātoa mo vaeluaʼi ʼaho te kau tagata ʼāfea, kae ʼaho kātoa ia te kau faifekau fakaminisitelio.

• Koga Meʼa: ʼI te agamāhani, ʼe fai ʼi he Fale ʼo Te Puleʼaga peʼe ki he Fale ʼo Te ʼu Fakatahi Lalahi ʼaē ʼe ovi mai.

• Fakamaʼua: ʼE tonu ko he ʼu tagata ʼāfea peʼe ko he ʼu faifekau fakaminisitelio.

• Ko Ai ʼAē ʼe Kau Kiai: Ko te kau tagata ʼāfea pea mo te kau faifekau fakaminisitelio ʼaē neʼe fakaafe e te taupau silikō.

Ako ʼo Te Kau Tagata ʼĀfeaa

• Fakatuʼutuʼu: Moʼo tokoni ki te kau tagata ʼāfea ke natou fakahoko ʼonatou ʼu maʼua ʼi te kōkelekāsio.

• Loaloaga: ʼAho e nima.

• Koga Meʼa: ʼE fakatuʼutuʼu e te Filiale; ʼi te agamāhani ʼe fai ʼi he Fale ʼo Te Puleʼaga peʼe ʼi he Fale ʼo Te ʼu Fakatahi Lalahi ʼaē ʼe ovi mai.

• Fakamaʼua: ʼE tonu ko he ʼu tagata ʼāfea.

• Ko Ai ʼAē ʼe Kau Kiai: Ko te ʼu tagata ʼāfea ʼaē neʼe fakaafe e te Filiale.

Ako ʼo Te ʼu Taupau Feʼoloʼaki Mo ʼOnatou ʼOhoanab

• Fakatuʼutuʼu: Moʼo tokoni ki te kau Taupau Silikō pea mo Tisitilike ke lelei age tanatou gāue ʼi te ʼu kōkelekāsio, mo tanatou “gāue kinakina ʼi te folafola mo te fai akonaki” pea mo tanatou tōkakaga ki te faga ovi.—1 Tim. 5:17; 1 Pet. 5:2, 3.

• Loaloaga: Māhina e lua.

• Koga Meʼa: ʼE fakatuʼutuʼu e te Filiale.

• Fakamaʼua: ʼE tonu ko he ʼu Taupau Silikō peʼe Tisitilike.

• Ko Ai ʼAē ʼe Kau Kiai: Ko te ʼu Taupau Silikō pea mo Tisitilike, mo tonatou ʼu ʼohoana, ʼaē neʼe fakaafe e te Filiale.

Ako Tohi-Tapu ʼo Te ʼu Tehina Selipateac

• Fakatuʼutuʼu: Moʼo tokoni ki te ʼu tagata ʼāfea pea mo te kau faifekau fakaminisitelio selipatea ke natou fakahoko ʼihi atu ʼu maʼua ʼi te kōkelekāsio. ʼI te kau ako ʼaia, ʼe hinoʼi anai ʼihi ke natou ʼolo ʼo lagolago ʼi he potu ʼo tonatou fenua ʼaē ʼe ʼaoga kiai he kau fai fakamafola. ʼE feala ke fakaafe ʼihi ke natou ʼolo ki he tahi fenua mo kapau neʼe natou fakahā ki te Filiale ʼe natou maʼu te fealagia ʼaia.

• Loaloaga: Māhina e lua.

• Koga Meʼa: ʼE fakatuʼutuʼu e te Filiale; ʼi te agamāhani ʼe fai ʼi he Fale ʼo Te Puleʼaga peʼe ʼi he Fale ʼo te ʼu Fakatahi Lalahi ʼaē ʼe ovi mai.

• Fakamaʼua: Ko he ʼu tehina selipatea, ʼe taʼu 23 ki te 62 pea ʼe kei mālolohi, ke natou lagolago lelei ki te ʼu tehina pea mo te ʼu gāue ʼo te Puleʼaga, ʼi te ʼu potu ʼaē ʼe ʼaoga kiai he kau fakamafola. (Mko. 10:29, 30) ʼE fakamaʼua anai ki te ʼu tagata ʼāfea peʼe ki te kau faifekau fakaminisitelio ʼaia ke natou gāue iā taʼu e lua peʼe laka atu.

• Fakahoko: Kapau ʼe fakatuʼutuʼu te ako ʼaia ʼi tokotou telituale, ʼe fai anai e te Filiale he fono mo nātou ʼaē ʼe fia kau kiai ʼi te fakatahi fakasilikō. ʼE foaki atu anai ʼihi ʼu fakamahino lolotoga te fono ʼaia.

Ako Tohi-Tapu ʼo Te ʼu Taumātuʼa Kilisitianod

• Fakatuʼutuʼu: Ko he ako makehe neʼe teuteuʼi maʼa te ʼu taumātuʼa, ke lahi age te fakaʼaogaʼi ʼo nātou e Sehova pea mo tana kautahi. ʼI te kau ako ʼaia, ʼe hinoʼi anai ʼihi ke natou ʼolo ʼo lagolago ʼi he potu ʼo tonatou fenua ʼaē ʼe ʼaoga kiai he kau fai fakamafola. ʼE feala ke fakaafe ʼihi ʼu taumātuʼa ke natou ʼolo ki he tahi fenua, mo kapau neʼe natou fakahā ki te Filiale ʼe natou maʼu te fealagia ʼaia.

• Loaloaga: Māhina e lua.

• Koga Meʼa: Ko te ʼu ʼuluaki ako neʼe fai ʼi te Faleako ʼo te Sōsiete Watchtower ʼi Patterson, ʼi New York, ʼi Amelika. Pea ki muli mai leva, ʼe fai anai te ako ʼaia ʼi te ʼu fale ʼaē ʼe fakatuʼutuʼu kiai e te Filiale, ʼi te agamāhani ʼe fai ʼi he Fale ʼo Te ʼu Fakatahi Lalahi peʼe ʼi he Fale ʼo Te Puleʼaga.

• Fakamaʼua: Ko he ʼu taumātuʼa, ʼe taʼu 25 ki te 50 pea ʼe kei mālolohi mo nā maʼu te fealagia ʼaē ke nā gāue ʼi he potu ʼe ʼaoga kiai he kau fai fakamafola pea mo nā maʼu te manatu ʼaenī: “Koʼenī au! Fekauʼi au.” (Isa. 6:8) Tahi ʼaē, ʼe tonu kua nā taʼu lua tana nofo ʼohoana, mo taʼu lua tanā pioniē kātoa, pea mo kei lolotoga pioniē.

• Fakahoko: Kapau ʼe fakatuʼutuʼu te ako ʼaia i tokotou telituale, ʼe fai anai e te Filiale he fono mo nātou ʼaē ʼe fia kau kiai ʼi te fakatahi makehe ʼaho tahi. ʼE foaki atu anai ʼihi ʼu fakamahino lolotoga te fono ʼaia.

Ako Tohi-Tapu ʼo Kileate ʼa Te Watchtower

• Fakatuʼutuʼu: Moʼo akoʼi te kau pioniē mo nātou ʼaē ʼe gāue temi kātoa ki te gāue fakamisionea.

• Loaloaga: Māhina e nima.

• Koga Meʼa: ʼI te Faleako ʼo te Sōsiete Watchtower ʼi Patterson, ʼi New York, ʼi Amelika.

• Fakamaʼua: Ko he ʼu taumātuʼa kua taʼu tolu tanā papitema pea mo taʼu 21 ki te 38 mai te temi ʼaē neʼe foaki age tanā ʼuluaki pilivilēsio gāue. ʼE tonu ke nā palalau ʼi te lea Fakapilitānia, mo taʼu lua tanā nofo ʼohoana, pea mo taʼu lua tana pioniē kātoa, pea mo kei lolotoga gāue temi kātoa. ʼE tonu ke nā mālolohi. ʼE feala ke kau ki te ako ʼaia iā nātou ʼaē neʼe pioniē ʼi he tahi fenua (mo te kau misionea ʼaē neʼe heʼeki kau ki te ako ʼaia); te ʼu taupau feʼaluʼaki; te kau Petelite; mo nātou ʼaē neʼe kau ʼi te Ako ʼo Te Minisitelio ʼo Te Puleʼaga, mo te Ako Tohi-Tapu ʼa Te ʼu Tehina Selipatea, pea mo te Ako Tohi-Tapu ʼa Te ʼu Taumātuʼa Kilisitiano, mo kapau ʼe natou mulimuli ki te ʼu fakamaʼua ʼo te ako ʼaia.

• Fakahoko: ʼI te ʼu Filiale ʼaē neʼe kua hinoʼi, ʼe fai anai he fono mo nātou ʼaē ʼe fia kau kiai ʼi te fakatahi fakatisitilike. ʼE foaki atu anai ʼihi ʼu fakamahino lolotoga te fono ʼaia. Kapau ʼe mole fai te fono ʼaia ʼi te ʼu fakatahi lalahi ʼo tokotou fenua, kae kotou fia kau kiai ʼe feala hakotou faitohi ki tokotou Filiale.

Ako ʼo Te ʼu Tehina ʼo Te Filiale Mo ʼOnatou ʼOhoana

• Fakatuʼutuʼu: Moʼo tokoni kiā nātou ʼaē ʼe kau ki te Filiale ke natou fakahoko lelei tonatou ʼu maʼua, ʼaē ko te tokaga ki te ʼu gāue ʼi te ʼu Petele, ki te ʼu kōkelekāsio, ki te ʼu Silikō pea mo te ʼu Tisitilike ʼo tonatou telituale, ʼo toe fēia mo te gāue fai fakaliliu, te tā mo te momoli ʼo te ʼu tohi, pea mo te ʼu gāue kehekehe.—Luka 12:48b.

• Loaloaga: Māhina e lua.

• Koga Meʼa: ʼI te Faleako ʼo te Sōsiete Watchtower ʼi Patterson, ʼi New York, ʼi Amelika.

• Fakamaʼua: Ko he tahi neʼe hinoʼi peʼe kau ʼi te Filiale peʼe kau ʼi te Komitē Fakafenua.

• Ko Ai ʼAē ʼe Kau Kiai: Ko te ʼu tehina mo ʼonatou ʼohoana, ʼaē neʼe fakaafe e te Kolesi Pule.

[ʼU Nota]