He Faʼifaʼitaki ʼo He ʼu ʼUluaki Palalau

Te Tule Leʼo ʼaho 1 ʼo Sepetepeli

“Tokolahi te hahaʼi ʼe natou tui ki te ʼu milakulo. Ko ʼihi ʼe mole nātou faʼa tui kiai. ʼI tau manatu lā, ʼe feala koa ke hoko moʼoni te ʼu milakulo? [Tuku ke fai mai hana tali.] Ko te fakapapau ʼaenī ʼo he milakulo kā haʼu ʼe ina foaki ki te tokolahi ia he ʼamanaki. [Lau age he vaega ʼe tuʼu ʼi te ʼu pāsina 3-4.] ʼE tali ʼi te nusipepa ʼaenī ki te ʼu palalau fakafeagai e tolu ʼo ʼuhiga mo te ʼu milakulo.”

Réveillez-vous! ʼo Sepetepeli

“Tokolahi te hahaʼi ʼe natou ʼui ʼe lagi pulihi anai te kele ʼi he ʼaho, ʼaki he tau fakanukeleʼea peʼe ko he tuʼutāmaki fakanātulā, peʼe tupu mai he foʼi fetuʼu peʼe ko te fetofetogi ʼo te agaaga ʼo te ʼaele ʼo te kele. ʼI tau manatu lā, ʼe feala koa ke tou tui ki te ʼu fakakikite ʼaia peʼe ko he fakamatala fēia pē ia? [Tuku ke fai mai hana tali.] ʼE tuʼu ʼi te Tohi-Tapu ia te fakapapau fakalotofīmālie ʼaenī. [Lau age ia Pesalemo 37:29.] ʼE fakahā mai ʼi te nusipepa ʼaenī ia te ʼu faʼahiga manatu māhani ʼo ʼuhiga mo te ʼaho fakamuli pea mo te fakasiosio totonu ʼi te Tohi-Tapu ʼo ʼuhiga mo te kā haʼu.”