Ke Lelei Age Tatatou Minisitelio: Ke Ke Teuteu Lelei ʼAu ʼUluaki Palalau

He Ko ʼe ʼe Maʼuhiga?: Kapau ʼe mole lelei ʼau ʼuluaki palalau ʼae ʼe ke fai ki he tahi, ʼe lagi ina fakagata anai takolua faipalalau, ʼi muʼa ʼo hau fakaha age te logo. Koia, neʼe tokokagaʼi e te kau faifakamafola te maʼuhiga ʼae ʼo ʼanatou ʼuluaki palalau. Logo la ʼe kua tuʼu te faʼifaʼitaki ʼo he ʼu ʼuluaki palalau ʼi Te Minisitelio ʼo Te Puleʼaga pea mo te tohi Comment raisonner, kaʼe ʼe mole katoa heʼe feala ai ke ke fakafuafua lelei ʼau palalau ʼo mulimuli ki te hahaʼi ʼae ʼe ke felaveʼi mo ia. Tatau aipe pe neʼe tohi katoa te ʼu ʼuluaki palalau, kaʼe ʼe feala pe ki he tahi ke ina fetogi peʼe ina teuteuʼi ʼana ʼuluaki palalau. Koia, ʼe lelei age ke tou teuteuʼi ʼatatou ʼuluaki palalau ʼi hatatou fai he ʼu palalau ki he tahi ʼi te faifakamafola, kaʼe neʼe mole teuteuʼi.—Taag. 15:28.

Te ʼu Meʼa ʼAe ʼe Tonu Ke Ke Fai:

Fili he manatu ʼe ke palalau anai ki ai. ʼE feala ke ke fili he manatu ʼi te ʼu tohi ʼae ʼe tou tufa peʼe ko he manatu ʼe leleiʼia anai e te hahaʼi.
Teuteuʼi lelei te ʼu ʼuluaki palalau ʼae ka ke fai anai ki he tahi, ʼi te hili ʼo takolua fefakamalōʼaki. ʼE feala ke ke kamata fenei: “Neʼe au haʼu koteʼuhi . . . ,” “Tokolahi ʼe natou tuʼania ʼo ʼuhiga mo . . . ,” “ʼE au fia iloʼi pe kotea la tau manatu ʼo ʼuhiga mo . . . ,” peʼe ko he tahi age ʼu palalau. ʼE lelei age te fai ʼo he ʼu ʼuluaki palalau ʼe nounou pea mo mahino gafua. Ko ʼihi kau faifakamafola ʼe natou leleiʼia hanatou ako fakaʼatamai te ʼu ʼuluaki palalau.
Fai he fehuʼi ke tupu ai hana fakaha tana manatu. (Mat. 17:25) Manatuʼi neʼe lagi manatu ia ki he tahi age meʼa ʼi muʼa ʼo tau alu age. Koia ʼaua naʼa ke fai age he fehuʼi ʼe faigataʼa fau tana tali ki ai, peʼe ke ufiufi ai.

ʼAhiʼahi Fai Te Faʼahi ʼAeni Lolotoga Te Mahina:

Toʼo he temi ʼi takotou ako fakafamili ke kotou teuteuʼi pea mo akoako te ʼu ʼuluaki palalau.
Ka ke alu ki te faifakamafola, fakaha age ki ʼihi age kau faifakamafola te ʼu ʼuluaki palalau ʼae neʼe ke teuteuʼi. Fetogi ʼau ʼuluaki palalau mo kapau ʼe ke tokagaʼi ʼe mole leleiʼia e te hahaʼi.