Kotou Feʼekenakiʼaki ʼi Te ʼu Gaue Lelei

ʼE fakalotomalohiʼi tatou ia Hepeleo 10:24 “ke tou fetokagaaki ia tatou ke ekenaki tatou ki te ofa pea mo te u gaue lelei.” ʼE feala ke tou ʼekenaki ʼotatou tehina ʼaki hatatou tuku ia he faʼifaʼitaki lelei pea mo tatatou fakaha tatatou tui. Kotou fakamatala ki te ʼu tehina ʼo te kokelekasio ia he ʼu aluʼaga fakafiafia neʼe hoko. Ke natou logoʼi ai takotou fiafia ʼuhi ko takotou gaue ʼae maʼa Sehova. Kaʼe ʼaua naʼa kotou fakatatau ia koutou ki ni ʼihi ʼo te kokelekasio. (Kal. 6:4) Kotou faigaʼi ke kotou ʼekenaki ʼihi “ki te ofa pea mo te u gaue lelei.” (Vakaʼi te tohi École du ministère p. 158, pal. 3) Kapau ʼe tou feʼekenakiʼaki ʼi te ʼofa, pea ʼe tou fai anai te ʼu gaue lelei ʼae ko te tokoni ki ni ʼihi ʼi te faʼahi fakasino pea mo te faifakamafola.—2 Ko. 1:24.