Neʼe Nofo Agatonu Ia Sopo Logo La Te ʼu ʼAhiʼahi

Neʼe maʼuli ia Sopo ʼi Usi ʼi te temi ʼae neʼe nonofo popula ai te kau Iselaele ʼi Esipito. Logo la neʼe mole ko he Iselaele, kaʼe ko Sopo neʼe ko he kaugana agatonu ʼa Sehova. Neʼe kaugā malie tona famili, mo lahi ʼona koloa pea neʼe pule ʼi tona kolo. Neʼe ko he tagata faitokoni neʼe fakaʼapaʼapaʼi ʼaupito pea neʼe ko he tuʼi fakamau ʼe mole fakapalatahi. Neʼe tokoni ki te hahaʼi masisiva mo natou ʼae ʼe faigataʼaia. Ko Sopo neʼe ko he tagata agatonu.

Neʼe fakaha e Sopo ko Sehova ʼae neʼe maʼuhiga tokotahi ʼi tona maʼuli

1:8-11, 22; 2:2-5

• Neʼe tokagaʼi e Satana te agatonu ʼa Sopo. Neʼe mole ina fakafihiʼi te fakalogo ʼa Sopo kia Sehova kaʼe neʼe ina fakafihiʼi te ʼu tupuʼaga ʼo te nofo agatonu ʼa Sopo

• Neʼe ui e Satana ko Sopo neʼe tauhi kia Sehova ʼuhi ko te ʼu lelei ʼe ina maʼu

• Neʼe fakagafua e Sehova kia Satana ke ina ʼohofi ia te tagata agatonu ʼaia ke maʼu he tali ki te fakafifihi ʼa Satana. Neʼe toʼo e Satana ia faʼahi fuli ʼo te maʼuli ʼo Sopo

• ʼI te nofo agatonu ʼa Sopo, neʼe fakafihiʼi e Satana te agatonu ʼa te tagata fuli pe

• Neʼe mole fai e Sopo he agahala peʼe ina tukugakoviʼi te ʼAtua ʼo ʼuhiga mo he meʼa ʼe kovi