ʼAki Te ʼu Katiko ʼe Tou Maʼu Ai Te Lototoʼa

Neʼe hiva fakavikiviki ia Paulo mo Silasi ki te ʼAtua ʼi tanā ʼi te pilisoni. (Gau 16:25) ʼI te temi muʼa, neʼe hiva katiko te ʼu tehina mo tuagaʼane ʼi Sachsenhausen, ʼi te lotoʼa fakamamahi ʼa te kau Nasi ʼi Siamani pea mo tanatou ʼaunofo ʼi Sibérie. ʼE ha ʼi te ʼu faʼifaʼitaki ʼaia te maʼuhiga ʼo te ʼu katiko pea mo te fakalotomalohiʼi ai ʼo te ʼu tehina mo tuagaʼane ʼae ʼe tau mo he ʼu ʼahiʼahi.

ʼE lahi te ʼu lea ʼe kua vave maʼu ai te tohi katiko foʼou ʼae ko tona kupu tafito ‘Tou Hiva Fakafiafia’ Kia Sehova. Ka tou maʼu te tohi katiko ʼaia, ʼe feala ke tou iloʼi fakaʼatamai ai te ʼu hiva ʼaki hatatou hiva te ʼu katiko ʼi te ako fakafamili. (Efe 5:19) Pea ʼe tokoni mai anai te laumalie maʼoniʼoni ke tou manatuʼi te ʼu katiko ʼaia moka tou tau mo he ʼu ʼahiʼahi. ʼE tokoni mai te ʼu katiko ke tou haga taupau maʼu totatou ʼamanaki. ʼE feala ke fakalotomalohiʼi ʼaki tatou moka tou tau mo he ʼu ʼahiʼahi. Pea ka tou fiafia, ʼe ʼekenaki ai anai tatou ke ‘tou hiva fakafiafia’ te ʼu katiko. Kotea tona tupuʼaga? Koteʼuhi ʼe ha ai te ʼuhiga lelei ʼo totatou loto. (1Klk 15:16; Pes 33:​1-3) Koia, tou fakaʼaogaʼi ia fealagia fuli ke tou hiva ai te ʼu katiko.

VAKAʼI TE ʼATA VITEO HE KATIKO NEʼE FAKALOTOMALOHIʼI AI TE KAU PILISONI. PEA VAKAʼI TE ʼU FEHUʼI ʼAENI:

• Kotea te ʼu aluʼaga ʼae neʼe tupu ai te fatu ʼo he hiva e te tehina ko Frost?

• Neʼe fakalotomalohiʼi feafeaʼi e te hiva ʼaia te ʼu tehina ʼae neʼe nonofo ʼi te lotoʼa fakamamahi ʼi Sachsenhausen?

• Ko te ʼu aluʼaga fea ʼo te maʼuli ʼe fakalotomalohiʼi ai koe e te ʼu katiko?

• Ko te katiko fea ʼae ʼe ke fia ako fakaʼatamai?