TE MAʼULI FAKAKILISITIANO
Tou Maʼuʼuli Moʼo Fakavikiviki Kia Sehova
Ko te maʼuli ʼe ko he meʼa ʼofa maʼuhiga ʼaupito. Pea ʼe ha ʼi totatou faʼahiga maʼuli pe ʼe maʼuhiga te meʼa ʼofa ʼaia kia tatou. ʼI totatou ʼuhiga Fakamoʼoni ʼa Sehova, ʼe tou faigaʼi ke tou fakaʼaoga ʼotatou faiva pea mo ʼotatou fealagia ke tou fakaʼapaʼapaʼi mo fakakololiaʼi ia Sehova, te Matapuna ʼo te Maʼuli. (Ps 36:10; Fkh 4:11) Kaʼe ʼuhi ko te ʼu tuʼania ʼo te maʼuli ʼo te malama agakovi ʼaeni, ʼe mole tou fakamuʼamuʼa ai te ʼu fakatuʼutuʼu fakalaumalie. (Mko 4:18, 19) Koia, ʼe tonu ke tou fai takitokotahi te ʼu fehuʼi ʼaeni: ‘ ʼE au fia foaki moʼoni koa te meʼa ʼae ʼe lelei tukupau kia Sehova? (Ose 14:2) ʼE faigataʼa koa taku tauhi kia Sehova ʼuhi ko taku gaue? Kotea taku ʼu fakatuʼutuʼu fakalaumalie? ʼE feafeaʼi haku tuputupu ʼi te minisitelio?’ Kapau ʼe tonu ke kotou fai ni fetogi ʼi tokotou maʼuli, kotou faikole kia Sehova ke tokoni atu pea kotou fai leva te ʼu fetogi. ʼE moʼoni, ko te fakavikiviki kia Sehova ʼi te ʼaho fuli ʼe iku ki he maʼuli ʼe fiafia.—Ps 61:9.
ʼE kotou fakaʼaogaʼi ʼokotou faiva maʼa ai?
SIOʼI TE ʼATA VITEO FAKAʼAOGAʼI ʼOKOTOU FAIVA MAʼA SEHOVA, PEA MO TALI KI TE ʼU FEHUʼI ʼAENI:
He koʼe ʼe mole ko he aga fakapotopoto te fakaʼaogaʼi ʼo ʼotatou faiva ki te malama ʼa Satana? (1 So 2:17)
Kotea te ʼu tapuakina ʼe maʼu ʼe natou ʼae ʼe natou foaki te meʼa ʼae ʼe lelei tukupau kia Sehova?
Kotea te ʼu faʼahiga selevisi ʼe feala ke tou fakaʼaogaʼi ai ʼotatou faiva pea mo ʼotatou fealagia?