He ʼu Ako Mai Te Tohi ʼo Sonasi

Neʼe puipui e Sehova te ʼu hisitolia ʼo ni tagata mo ni fafine tui ʼae ʼe tuʼu ʼi tana Folafola ke tou ako mai ai he ʼu ako maʼuhiga. (Lom 15:4) Kotea te ako neʼe kotou taʼofi mai te tohi ʼo Sonasi? Vakaʼi te ʼata viteo Ako Fakafamili: Sonasi—Ke Tou Ako Mai Te Manavaʼofa ʼo Sehova, pea hili ia, tali ki te ʼu fehuʼi ʼaeni:

• ʼI te ʼata viteo, kotea te ʼu fihifihia ʼae neʼe tauʼi e te ʼu Fakamoʼoni ʼe toko tolu?

• ʼE fakalotomalohiʼi feafeaʼi tatou e te tohi ʼo Sonasi moka fakatonutonuʼi tatou peʼe toʼo ʼotatou pilivilesio? (1 Sa 16:7; Son 3:1, 2)

• ʼE tokoni feafeaʼi mai ia te hisitolia ʼo Sonasi ke tou taupau he manatu ʼe lelei ʼo ʼuhiga mo te telituale ʼae ʼe tou faifakamafola ai? (Son 4:11; Mat 5:7)

• Ko te aluʼaga ʼae neʼe hoko kia Sonasi, ʼe ina fakalotofimalieʼi feafeaʼi tatou moka ʼe tou tau mo ni mahaki? (Son 2:2, 3, 8, 10)

• Kotea te ako neʼe kotou taʼofi mai te ʼata viteo ʼaeni ʼo ʼuhiga mo te maʼuhiga ʼae ke lau te Tohi-Tapu pea mo metitasio ki ai?