Tou Nonofo Tokaga ʼi Te Faʼahi Fakalaumalie Pea Mo Faʼa Fai Moka Hoko He ʼu Fetogi

ʼE ʼi ai te ʼu aluʼaga ʼe feala ke hoko ʼo fetogi ai totatou faʼahiga maʼuli. Pea ʼe mole feala ke tou hao ai, tafito la ʼi te ʼu ʼaho fakaʼosi ʼaeni. (1Ko 7:31) Tatau aipe peʼe neʼe tou ʼamanaki ki ai peʼe kailoa, peʼe lelei peʼe kovi, kae ʼe feala ki te ʼu fetogi ʼaia, ke fakalelu ki tatatou tauhi pea mo maumauʼi ai ʼatatou felogoi mo Sehova. Kotea ʼe tokoni mai anai ke tou nonofo tokakaga ʼi te faʼahi fakalaumalie pea mo faʼa fai moka hoko he ʼu fetogi ʼi totatou maʼuli? Vakaʼi te ʼata viteo Moka Tou Olo ʼo Maʼuʼuli ʼi He Tahi Age Koga Meʼa, Tou Nonofo Malohi ʼi Te Tui, pea mo tali ki te ʼu fehuʼi ʼaeni:

• Kotea te tokoni ʼae neʼe foaki e te tehina ki he pule famili?

• Neʼe tokoni feafeaʼi te pelesepeto ʼae ʼe tuʼu ia Mateo 7:25 ki te aluʼaga ʼae neʼe hoko ki te kiʼi famili?

• Kotea te fakatuʼutuʼu neʼe fai e te kiʼi famili ʼi muʼa ʼo tanatou olo? Pea kotea te ʼu fua lelei neʼe natou maʼu?

• Kotea neʼe tokoni ki te kiʼi famili ke natou fakamamahani mo te ʼu fetogi ʼae ʼi te kokelekasio pea ʼi te telituale?

Kotea te ʼu fetogi fakamuli neʼe hoko ʼi toku maʼuli?

ʼE feafeaʼi haku maʼuliʼi te ʼu pelesepeto ʼae neʼe fakaha ʼi te ʼata viteo ʼaeni?