Ko Te Foʼi ʼAta Viteo ʼe Tonu Ke Tou Fakakaukauʼi Fakalelei Kiai
“Ko te foʼi ʼata viteo ʼaia ʼe ina uga moʼoni koutou ke kotou fakakaukauʼi!”
“Neʼe malave ki toku loto!”
“Neʼe lahi te ʼu meʼa ʼaē neʼe au logoʼi ʼi toku loto!”
1 Neʼe feiā koa tokotou loto ʼi takotou ʼuluaki sioʼi te foʼi ʼata viteo ʼaē ko tona kupu tāfito Les jeunes sʼinterrogent . . . Comment se faire de vrais amis ? Kua hili kiai ni ʼu taʼu, neʼe felāveʼi ai te tēhina tūpulaga mo te faigataʼaʼia ʼi tona maʼuli, ʼuhi ko te ʼu kaumeʼa ʼaē neʼe ina fili. Neʼe tupu ai tana mole kei leleiʼia te moʼoni pea mo puli ai tana ʼu felogoi mo Sehova. Pea ʼi te temi ʼaia neʼe hā te foʼi ʼata viteo Vrais amis. Neʼe ina tohi fēnei: “Neʼe au sioʼi tuʼa lahi te foʼi ʼata viteo ʼaia, pea neʼe au tagi. Neʼe au fakamālo kiā Sehova ʼi tana tokoni mai ʼi tona temi totonu.” ʼAki te foʼi ʼata viteo ʼaia, neʼe uga ai ia ia ke fetogi tona maʼuli pea ke ina maʼu hona ʼu kaumeʼa lelei. Neʼe ina toe ʼui fēnei: “ ʼE hā mai ai takotou ʼiloʼi lelei te ʼu faigataʼaʼia ʼaē ʼe tau mo te kau tūpulaga ʼi te temi nei.” ʼU mātuʼa pea mo kau tūpulaga, he koʼe ʼe mole kotou toe sioʼi te foʼi ʼata viteo ʼaia ʼi takotou ako faka fāmili ʼaē kā hoko mai? ʼI te ʼu koga kehekehe fuli ʼo te foʼi ʼata, kotou ʼai hakotou kiʼi tuʼu pea kotou fai palalau faʼifaʼitaliha pea ʼaki he loto moʼoni ki te ʼu fehuʼi ʼaē ʼe tuʼu ʼi te ʼu palakalafe ʼaē ʼe hoa mai.
2 Te Kamataʼaga: Ko ai te kaumeʼa moʼoni?—Taag. 18:24.
3 Te ʼu Faigataʼaʼia ʼo Te Fakakaumeʼa: Koteā ʼaē ʼe feala ke kotou fai mokā kotou logoʼi ʼe tuku keheʼi koutou? (Filp. 2:4) He koʼe ʼe tonu ke kotou loto ke fetogi tokotou ʼulugaaga, pea ko ai ʼaē ʼe feala ke tokoni atu ʼo ʼuhiga mo te faʼahi ʼaia? Ko te ʼu faigamālie fea ʼaē ʼe feala ai ke kotou maʼu hokotou tahi ʼu kaumeʼa, pea ʼe kotou lava maʼu ʼifea hokotou ʼu kaumeʼa?—2 Ko. 6:13.
4 Te Fakakaumeʼa Mo Te ʼAtua: ʼE kotou lava kaumeʼa feafeaʼi mo Sehova, pea he koʼe ʼe tonu ke kotou faiga kiai? (Pes. 34:8) Ko ai ʼaē ʼe feala ke tokoni atu ke mālohi takotou fakakaumeʼa mo te ʼAtua?
5 Te ʼu Kaumeʼa ʼAē ʼe Kovi: Ko ai te ʼu fakakaumeʼa kovi? (1 Ko. 15:33) ʼE lava taki feafeaʼi e te ʼu fakakaumeʼa kovi he tahi ke higa ʼi te faʼahi fakalaumālie? Koteā te ako ʼe feala ke kotou tāʼofi mai te fakamatala ʼo ʼuhiga mo Tina ʼaē ʼe tuʼu ʼi te Tohi-Tapu?—Sen. 34:1, 2, 7, 19.
6 Ko He Meʼa Neʼe Hoko ʼi Totatou Temi: Neʼe feafeaʼi ia Tala ʼi te mole kei ʼi ai hona ʼu kaumeʼa? Neʼe koteā ʼaē neʼe ina ʼui moʼo takuʼaki tana fakatahi mo te kau tūpulaga ʼo te mālama? Ko te ʼu ʼaluʼaga fakatupu tuʼutāmaki fea ʼaē neʼe hoko ki ai ʼuhi ko tona ʼu kaumeʼa ʼaia? He koʼe neʼe mole tokagaʼi e tana ʼu mātuʼa te tuʼutāmaki ʼaē neʼe hoko ki ai, kae neʼe nā tokoni feafeaʼi kiā Tala ke toe mālohi ʼi te faʼahi fakalaumālie? Neʼe liliu feafeaʼi te tuagaʼane pionie kātoa ko he kaumeʼa moʼoni maʼa Tala? He koʼe ʼe tonu ke mulimuli te kau Kilisitiano kiā Taʼaga Lea 13:20 pea mo Selemia 17:9? Koteā te ako maʼuhiga neʼe tāʼofi e Tala?
7 Te Fakaʼosi: Koteā te ʼu ako neʼe kotou tāʼofi ʼi te foʼi ʼata viteo ʼaia? ʼE kotou lava fakaʼaogaʼi feafeaʼi te foʼi ʼata viteo ʼaia moʼo tokoni ki ʼihi?—Pes. 71:17.