Les jeunes sʼinterrogent... Comment se faire de vrais amis ?
Neʼe fakatupu e Sehova ia te tagata ʼaki ia te fealagia ʼaē ke felōgoi lelei pea mo fakakaumeʼa mo te hahaʼi. (Taag. 17:17; 18:1, 24) Kapau ʼe tou loto ke tou fiafia ʼi he ʼu felōgoi, ʼe tonu ke tou filifili fakalelei ʼotatou kaumeʼa. (Taag. 13:20) ʼI te hili ʼo takotou sioʼi te foʼi ʼata Les jeunes sʼinterrogent... Comment se faire de vrais amis ?, kotou tali ki te ʼu fehuʼi ʼaenī.
Te kamata:
(1) Ko ai te kaumeʼa moʼoni?
Te ʼu Faigataʼaʼia ʼo Te Fakakaumeʼa:
(2) Koteā ʼe feala ke kotou fai mokā ʼe kotou logoʼi ʼe tuku keheʼi koutou? (Filp. 2:4) (3) He koʼē ʼe lelei ke tou fetogi totatou agaaga, pea ʼe tou lava fakahoko feafeaʼi ia te faʼahi ʼaia? (2 Ko. 13:11) (4) Koteā te ʼu ʼaluʼaga ʼe feala ai ke tou maʼu mai ai he tahi ʼu kaumeʼa?—2 Ko. 6:13.
Te Fakakaumeʼa Mo Te ʼAtua:
(5) ʼE kotou lava fakakaumeʼa feafeaʼi mo Sehova, pea he koʼē ʼe tonu ke kotou faiga kiai? (Pes. 34:9) (6) Kapau ʼe tou kaumeʼa lelei mo Sehova, ʼe fua lelei feafeaʼi anai ki ʼatatou felōgoi mo te hahaʼi?
Te ʼu Kaumeʼa ʼAē ʼe Kovi:
(7) Ko ai te ʼu fakakaumeʼa kovi? (1 Ko. 15:33) (8) ʼE lava taki feafeaʼi e te ʼu fakakaumeʼa kovi he tahi ke higa ʼi te faʼahi fakalaumālie?
Ko He Meʼa Neʼe Hoko ʼi Totatou Temi:
(9) Koteā te ako ʼe tou maʼu mai te fakamatala ʼi te Tohi-Tapu ʼo ʼuhiga mo Tina? (Sen. 34:1, 2, 7, 19) (10) Neʼe koteā ʼaē neʼe ʼui e Tala moʼo takuʼaki tana fakatahi ʼaē mo te kau tūpulaga ʼo te mālama? (11) Ko te ʼu ʼaluʼaga fakatupu tuʼutāmaki fea ʼaē neʼe hoko kiā Tala ʼuhi ko ʼona kaumeʼa ʼo te faleako? (12) He koʼē neʼe mole tokagaʼi e te ʼu mātuʼa ʼa Tala te tuʼutāmaki ʼaē neʼe hoko ki ai, kae neʼe nā tokoni feafeaʼi kiā ia ke toe mālohi ʼi te faʼahi fakalaumālie? (13) Neʼe fakahā feafeaʼi e te tuagaʼane pioniē neʼe ko he kaumeʼa moʼoni maʼa Tala? (14) Koteā ʼaē neʼe fai e Tala ke feala ai ke fetogi tana faʼahiga sio?
Te Fakaʼosi:
(15) Koteā te ʼu ako neʼe kotou tāʼofi ʼi te foʼi ʼata ʼaia? (16) ʼE kotou lava fakaʼaogaʼi feafeaʼi te foʼi ʼata ʼaia moʼo tokoni ki ʼihi?
Tou filifili he ʼu kaumeʼa ʼe natou tokoni mai anai ke tou taupau totatou felōgoi lelei ʼaē mo te ʼAtua.—Pes. 15:1, 4; Esa. 41:8.