“Fakaʼapaʼapa Ki Tau Tamai Pea Mo Tau Faʼe”

ʼI te maʼuli ʼa Sesu ʼi te kele, neʼe ina fakatotonu fenei: “Fakaʼapaʼapa ki tau tamai pea mo tau faʼe.” (Ek 20:12; Mat 15:4) Neʼe palalau fakamalotoloto ia Sesu koteʼuhi neʼe “hoko atu pe tana talagafua” ki ʼana matuʼā ʼi tana kei tupulaga. (Luk 2:51) Maʼia mo tana kua lahi, neʼe ina faigaʼi ke tokaga he tahi ki tana faʼe moka mate.—Soa 19:26, 27.

Ia ʼaho nei, ko te kau tupulaga Kilisitiano ʼe natou fakalogo pea mo palalau ki ʼanatou matuʼā ʼaki te fakaʼapaʼapa. Ko te fakaʼapaʼapa ki ʼatatou matuʼā ʼe mole fakatemi. Tatau aipe moka natou vaivai matuʼā, ʼe tou fakaʼapaʼapa tuʼumaʼu pe kia natou ke tou ako mai ia natou te poto. (Taa 23:22) Pea ʼe tou toe fakaha te fakaʼapaʼapa ki ʼatatou matuʼā ke tou tokakaga fakalelei kia natou toe feia ki te faʼahi fakapaʼaga, moka ʼe fealagia. (1Ti 5:8) Tatau aipe pe ʼe tou tupulaga peʼe kailoa, ko te taupau ʼo he ʼu felogoi lelei mo ʼatatou matuʼā ʼe tou fakaha ai ʼe tou fakaʼapaʼapa kia natou.

VAKAʼI TE ʼATA VITEO ʼE FEAFEAʼI HAKU FELOGOI MO ʼAKU MATUʼĀ? PEA MO TALI KI TE ʼU FEHUʼI ʼAENI:

• He koe ʼe faigataʼa tau felogoi mo ʼau matuʼā?

• ʼE feafeaʼi hau fakaha te fakaʼapaʼapa ki ʼau matuʼā moka ke faipalalau mo naua?

  

• He koʼe ʼe tonu ke ke faigaʼi ke ke faipalalau mo ʼau matuʼā? (Taa 15:22)