Te ʼu Fakatahi’aga ‘i Te Neti—Te ʼu Hele

HE KOʼE ʼE MAʼUHIGA? Ohage pe ko te ʼu meʼa gaue fuli, ko te ʼu fakatahiʼaga ʼi te Neti ʼe ʼi ai ʼona lelei pea mo ʼona kovi. Ko ʼihi kau Fakamoʼoni ʼa Sehova ʼe mole natou fakaʼaogaʼi te ʼu fakatahiʼaga ʼi te Neti. Pea ʼe ʼi ai ʼihi, ʼe natou fakaʼaogaʼi moʼo faipalalau mo ʼonatou kaiga peʼe ko ʼonatou kaumeʼa. Kae ko Satana ʼe ina faigaʼi ke mole tou fakaʼaogaʼi fakalelei te ʼu meʼa gaue ʼaia, ʼae ʼe feala ke ʼulihi ai ʼotatou matagafua pea mo ʼatatou felogoi mo Sehova. Ohage ko Sesu, ʼe tou fakaʼaogaʼi te ʼu pelesepeto ʼo te Folafola ʼa te ʼAtua ke tou iloʼi ai te ʼu hele ʼae ʼe tonu ke tou tekeʼi.—Luk 4:4, 8, 12.

TE ʼU HELE ʼAE ʼE TONU KE TEKEʼI:

• Te lahi fau ʼo te puli ’o te temi. ’E pulinoa te ʼu hola ʼi te fakaʼaogaʼi fau ʼo te Neti. Kae mole tou fakaʼaogaʼi ki te ʼu gaue fakaʼatua ʼae ʼe maʼuhiga

  Pelesepeto: Efe 5:15, 16; Flp 1:10

• Te sioʼi ʼo te ʼu pāki mo te ʼu ʼata ʼae ʼe kovi. Ko te sioʼi ʼo te ʼu pāki ʼae ʼe kovi ʼe ina taki ai tatou ke tou sioʼi he ʼu felaveʼi fakasino peʼe ko te ʼu aga heʼe ʼaoga. Ko te lau ʼo te ʼu tohi peʼe ko ʼihi atu faipalalau ʼo te kau aposita ʼe maumauʼi ai anai tatatou tui

  Pelesepeto: Mat 5:28; Flp 4:8

• Te ʼu palalau pea mo he ʼu pāki ʼe mole lelei. ʼUhi ko totatou ʼuhiga agahala, ʼe feala pe ki he tahi ke ina ʼai he ʼu pāki peʼe ko he ʼu palalau ʼe mole lelei ki he fakatahiʼaga ʼi te Neti. Kae, ʼe ina ʼulihi ai te matagafua pea ʼe tukia anai he tahi ʼi te faʼahi fakalaumalie

  Pelesepeto: Lom 14:13; Efe 4:29

VAKAʼI TE ʼATA VITEO FAKAʼAOGAʼI FAKAPOTOPOTO TE ʼU FAKATAHI’AGA ʼI TE NETI PEA MO VAKAʼI PE ʼE KE TEKEʼI FEAFEAʼI TE ʼU HELE ʼAENI: