TE MAʼULI FAKAKILISITIANO
Ke Lelei Age Tatatou Faifakamafola—Fakaʼaogaʼi Totatou Tuʼasila JW.ORG
HE KOʼE ʼE MAʼUHIGA? Ko te ʼu tohi fuli ʼae ʼe tou fakaʼaogaʼi moʼo fai ʼo te ʼu ako ʼe tou maʼu ʼi te jw.org. Koia, ko te kiʼi kate pea mo te kiʼi pepa lotu ʼE Tou Mai ʼIfea Te ʼu Tali Ki Te ʼu Fehuʼi Maʼuhiga o Te Maʼuli? ʼe fakaafe ai ia te hahaʼi ke natou vakaʼi totatou tuʼasila ʼi te Neti jw.org. ʼE feala ke kotou fakaʼaogaʼi te tuʼasila ʼaia moʼo fakamomoli he ʼu tohi ʼi te ʼu tohi ako. ʼE tokoni atu tafito moka ʼe kotou faifakamafola ki he tahi ʼe palalau ʼi he tahi age lea. Pea tahi, ʼe lagi lagaʼi anai e he tahi he ʼu fehuʼi ʼe mole maʼu tona tali ʼi tatatou tohi ako. Kapau ʼe tou popoto ʼi te fakaʼaogaʼi ʼo totatou tuʼasila ʼi te Neti, ʼe lelei age anai totatou minisitelio.
TE ʼU MEʼA ʼAE ʼE TONU KE KE FAI:
Vakaʼi ʼi te lea Fakafalani “LA BIBLE ET VOUS.” Ohage la ʼe ke faifakamafola ki he tamai peʼe ki he faʼe ʼe fia iloʼi ʼo ʼuhiga mo te akoʼi ʼo te fanau. Vakaʼi LA BIBLE ET VOUS > COUPLES & FAMILLES.
Vakaʼi te ʼu “TOHI.” Ohage la ʼe ke faifakamafola ʼi te fale ako pea ʼe ke fia tuku ki hou kaugā ako te kaupepa Te ʼu Fehuʼi ʼe 10 Mo ʼOna Tali ʼe Fai e Te Kau Tupulaga. Vakaʼi te ʼu TOHI > TOHI MO KAUPEPA.
Vakaʼi “IA MATOU.” Ohage la ʼe ke faifakamafola ki he kaugā gaue ʼe fia iloʼi ʼo ʼuhiga mo totatou tui. Vakaʼi IA MATOU > FEHUʼI ʼE FAI TUʼUMAʼU ʼO ʼUHIGA MO TE KAU FAKAMOʼONI ʼA SEHOVA.
VAKAʼI TE ʼATA VITEO FAKAʼAOGAʼI TOTATOU TUʼASILA JW.ORG PEA MO VAKAʼI PE ʼE TOU MAʼU ʼIFEA ʼI TOTATOU TUʼASILA HE TOKONI MAʼA:
he tahi ʼe mole tui ʼe ʼi ai he ʼAtua
he tahi neʼe hoki tau age pe mo he malaʼia
he tehina peʼe ko he tuagaʼane kua vaivai ʼi te faʼahi fakalaumalie
he ʼaʼahi ʼe ina fia iloʼi pe ʼe fakapaʼaga feafeaʼi tatatou gaue faifakamafola
he tahi mai he fenua kehe ʼe fia kau leva ki he fono ʼi tona fenua