TE ʼU KOLOA ʼO TE TOHI-TAPU | KALATE 4-6
Te Fakaʼuhiga ʼo Te Fakata Kia Tatou
Neʼe fakaʼaogaʼi e te apositolo ko Paulo “te fakata ʼo te hisitolia ʼaia” moʼo fakaha te maʼoluga ʼo te fuakava foʼou ʼi te fuakava ʼo te Lao. ʼAki te takitaki ʼofa ʼa Kilisito mo ʼana kaugā hau, ʼe fakaʼateainaʼi anai te malamanei katoa mai te agahala mo te mamahi pea mo te mate.—Esa 25:8, 9.
TE FAFINE KAUGANA KO AKALE Ko te puleʼaga ʼo Iselaele ʼae neʼe mulimuli ki te fuakava ʼo te Lao, pea ko tona kolo hau ko Selusalemi |
TE FAFINE ʼATEAINA KO SALA Ko te Selusalemi ʼae ʼi ʼoluga, ʼae ko te koga ʼo te kautahi ʼo te ʼAtua ʼae ʼi te lagi |
TE “ ʼU FANAU” ʼA AKALE Ko te hahaʼi Sutea (natou ʼae neʼe fakapapau ke natou mulimuli ki te fuakava ʼo te Lao) ʼae neʼe natou fakatagaʼi mo liʼaki ia Sesu |
TE “ ʼU FANAU” ʼA SALA Ko Kilisito mo te toko 144 000 kau Kilisitiano fakanofo |
TE POPULA KI TE FUAKAVA ʼO TE LAO Neʼe fakamanatuʼi e te Lao ki te kau Iselaele tonatou popula ki te agahala |
TE FUAKAVA FOʼOU ʼAE ʼE INA FAKAʼATEAINAʼI Ko te tui ʼae ki te sakilifisio ʼa Kilisito neʼe fakafealagia ai ki te kau Iselaele ke fakaʼateainaʼi natou mai te agahala |