“ ʼU Tupulaga, Kotou ‘Faʼafai ʼi Te ʼu Gaue Lelei’ ”

ʼI tana tohi ʼae kia Tito, neʼe ui ai e te apositolo ko Paulo, ʼe tonu ke faiga ia te kau tupulaga ʼo kau ai ia Tito, ke natou liliu ko “he faʼifaʼitakiʼaga ʼo te ʼu gaue lelei.” (Tit 2:6, 7) Ki muli age ʼi te kapite pe ʼaia, neʼe ina fakamahino ʼe fakamaʼa e Sesu te hahaʼi ʼa Sehova ke natou “faʼafai ʼi te ʼu gaue lelei.” (Tit 2:14) Pea ʼe kau ki te ʼu gaue lelei ia te tala mo te akoʼi ʼo ʼuhiga mo te Puleʼaga ʼo te ʼAtua. Kapau ʼe ke tupulaga, ʼe feala koa ke ke fakaʼaogaʼi tou malohi ke ke pionie vaeluaʼi temi peʼe ke pionie katoa?​—Taa 20:29.

Kapau ʼe ke fia pionie, fakafuafua pe ʼe feafeaʼi anai hau toʼo te selevisi ʼaia. (Luk 14:28-30) Ohage la, ʼe feafeaʼi anai hau fakaalualu tou maʼuli ʼi te faʼahi fakapaʼaga moka ʼe ke pionie katoa? ʼE feafeaʼi anai tau fai te ʼu hola ʼae ʼe fakamaʼua atu? Kole tokoni kia Sehova ʼi te faikole. (Pes 37:5) Palalau ʼo ʼuhiga mo tau fakatuʼutuʼu ki ʼau matuʼā peʼe kia natou ʼae neʼe fua lelei tanatou selevisi pionie, pea mo faiga ke ke fakahoko tau selevisi. ʼE tapuakinaʼi anai koe e Sehova ʼi ʼau faiga.

VAKAʼI TE ʼATA VITEO KO NI TUPULAGA ʼE NATOU FAKAKOLOLIAʼI IA SEHOVA, PEA MO TALI KI TE ʼU FEHUʼI ʼAENI:

• Neʼe tauʼi feafeaʼi e te ʼu tupulaga ʼonatou fihifihia ʼae ke natou pionie?

• ʼE tokoni feafeaʼi te ʼu matuʼā ki ʼanatou fanau ke natou liliu ko he ʼu pionie katoa?

• He koʼe ʼe maʼuhiga ke ke fai hau polokalama ki te faifakamafola?

• ʼI te kokelekasio, ʼe feafeaʼi hanatou fakalotomalohi mo tokoni ki he tahi ʼe pionie?

• Kotea te ʼu tapuakina ʼae ʼe maʼu e te kau pionie?