Ko Ai Anai Ka Au Fakaafe?

ʼI te taʼu fuli ʼe tou faiga tuʼumaʼu ke tou fakaafe te hahaʼi ʼo ʼotatou telituale ki te ʼAho Fakamanatu. Tokolahi ia natou ʼe mole tou feiloʼiʼaki. Pea ʼe tonu foki ke tou fakaafe mo natou ʼae ʼe tou feiloʼiʼaki. Ko te hahaʼi ʼae neʼe tuku age e he tahi ʼe natou feiloʼiʼaki he fakaafe, ʼi te agamahani ko natou ʼaia ʼae ʼe ʼomai. (yb08 11 ¶3; 14 ¶1; km 1/08 5 ¶13) Ko ai natou ʼae ʼe feala ke ke fakaafe?

• Te ʼu famili

• Te ʼu kaugā gaue mo te ʼu kaugā ako

• Te ʼu vahaʼa fale

• Te ʼu ʼaʼahi mo te ʼu ako, pea mo natou ʼae ʼe mole kei ako

Pea tahi, ʼe fakaafe anai e te kau tagata ʼafeā ia natou ʼae ʼe mole kei kau ki te ʼu fono. Pea kapau la ʼe ʼi ai he tahi ʼe ke iloʼi ʼe mole nofo ovi ʼi te koga meʼa ʼae ʼe ke maʼuli ai? ʼE feala hau maʼu ʼi te jw.org te hola mo te koga meʼa ʼae ʼe fai ai te ʼAho Fakamanatu, ʼae ʼe tuʼu ovi ki te ʼapi ʼo te kilisitiano. Vakaʼi IA MATOU pea “Fakamanatu.” Lolotoga tau teuteuʼi te toʼotoʼoga ʼo te taʼu ʼaeni, manatuʼi ia natou ʼae ka ke fakaafe, pea tuku age honatou ʼu pepa fakaafe.