ʼE Feafeaʼi Hatatou Fakaʼaogaʼi Te ʼu Faipalalau

Talu mai Sanualio 2018, ʼe ha he ʼu faipalalau ʼi te ʼuluaki pasina ʼo Te Maʼuli Fakakilisitiano Mo Te Faifakamafola—Kaupepa Ako. ʼE feafeaʼi hatatou fakaʼaogaʼi?

Moka ʼe ʼi Ai Hau Faʼifaʼitaki: Fakaʼaogaʼi te fehuʼi, mo te vaega pea mo te fehuʼi fakaʼosi ʼo te faipalalau. Kae, ʼe mole fakaʼuhiga leva ʼe tonu ke ke faʼifaʼitakiʼi te ʼu palalau fuli ʼae ʼe fai mai ʼi te ʼata viteo. ʼE feala pe ke ke fetogi ʼo ke filifili pe ʼe ke faifakamafola ʼi te ʼu ʼapi, peʼe ko hau faifakamafola faigamalie, peʼe ko ʼihi atu. ʼE feala pe ke ke fetogi tau ʼuluaki faipalalau, pea mo tau faʼahiga fakamahino. ʼE toe feala pe ke ke tuku age he tohi ʼi ʼatatou tohi ako, tatau aipe pe neʼe mole tohi atu ʼi te faʼifaʼitaki ʼae ʼe tonu ke ke fai.

Moka ʼe Ke Faifakamafola: Ko te ʼu faipalalau ʼe foaki atu ai he ʼu manatu ʼe ʼaoga. Kapau ko he tahi ʼe ina fia iloʼi te moʼoni pea mo fai atu ni fehuʼi, ʼe feala ke hoko atu te faipalalau. ʼE lagi feala ke ke fakaʼaogaʼi te ʼu manatu ʼo te faipalalau ki te ʼaʼahi. ʼE feala pe ke ke fetogi te ʼu faipalalau ke alu tahi mo te ʼu aluʼaga ʼo te hahaʼi, peʼe ke palalau ki he tahi age manatu. Neʼe leleiʼia koa e te hahaʼi te ʼu faipalalau ʼo te mahina kua ʼosi, peʼe ko he tahi age vaega? Neʼe tuʼania koa te hahaʼi ʼo tou telituale ki he aluʼaga neʼe hoko. ʼE feala pe ke ke fetogi te ʼu faipalalau. Kae ʼe tonu ke ke fakatuʼutuʼu ke ke ‘fai ia meʼa fuli ʼuhi ko te logo lelei ke feala ai ke ke vaevae mo ʼihi.’—1Ko 9:22, 23.