Tou Tutuʼu Malohi ʼi Te Ovi Mai ʼo Te Fakaʼosi

HE KOʼE ʼE MAʼUHIGA? Kua vave hoko he ʼu aluʼaga fakaofoofo ʼe tonu ai anai ke tou lototoʼa pea mo falala katoa kia Sehova. ʼE kamata anai te mamahi lahi ʼaki te maumauʼi ʼo te ʼu lotu hala. (Mat 24:21; Fkh 17:16, 17) Lolotoga te temi maveuveu ʼaia, ʼe mahino ia ʼe tou tala anai he tautea. (Fkh 16:21) ʼE ʼohofi anai tatou e Koke ʼo Makoke. (Esk 38:10-12, 14-16) Moʼo haofaki tana hahaʼi, ʼe fakahoko anai e Sehova “te tau ʼo te ʼaho lahi ʼo te ʼAtua te Mafimafi.” (Fkh 16:14, 16) ʼE fakalotomalohiʼi tatatou lototoʼa ki te ʼu aluʼaga ʼae ka hoko mai, ʼe tonu ke tou nonofo agatonu ʼi te temi nei moka ʼahiʼahiʼi tatatou tui.

TE ʼU MEʼA ʼAE ʼE TONU KE KE FAI:

• Tou lagolago malohi ki te ʼu lekula maʼoluga ʼa Sehova ʼo ʼuhiga mo te aga ʼe tonu ke tou fai.—Esa 5:20

• Tou hoko atu tatatou tauhi kia Sehova fakatahi mo ʼotatou tehina mo tuagaʼane.—Hep 10:24, 25

• Tou fakalogo lelei ki te ʼu fakatotonu ʼae ʼe fai mai e te kautahi ʼa Sehova.—Hep 13:17

• Tou metitasio pe neʼe feafeaʼi te haofaki e Sehova tana hahaʼi ʼi te temi muʼa.—2Pe 2:9

• Faikole kia Sehova pea mo falala kia te ia.—Pes 112:7, 8

VAKAʼI TE ʼATA VITEO TE ʼU ALUʼAGA ʼO TE KA HAʼU ʼAE ʼE ʼAOGA AI ANAI TE LOTOTOʼA—KOGAʼI ʼATA, PEA MO TALI KI TE ʼU FEHUʼI ʼAENI:

• 

  Neʼe ʼahiʼahi feafeaʼi te fakalogo ʼa te kau faifakamafola ʼi tanatou fetogi kokelekasio?

• 

  Kotea te pikipikiga ʼo te lototoʼa pea mo te fakalogo?

• 

  He koʼe ʼe ʼaoga anai ke tou lototoʼa ʼi Alamaketone?

• 

  Kotea te fakamatala Fakatohi-tapu ʼe tokoni mai ke fakamalohiʼi tatatou tui, ʼe lava haofaki anai e Sehova ia tatou?—2Klk 20:1-24