Te ʼu Ako ʼAe ʼe Tou Maʼu Mai Te ʼu Lao ʼo Te Kilia

13:4, 5, 45, 46, 52, 57

Kotea te ʼu ako ʼe tou maʼu mai te ʼu pelesepeto ʼae ʼe fakatafito ki ai te ʼu lao ʼo te kilia, ke taupau malohi ai ʼatatou felogoi mo Sehova?

• Neʼe akoʼi e Sehova te kau pelepitelo ke natou iloʼi fakavilivili te ʼu faʼahiga kilia kehekehe. Ia ʼaho nei, ʼe tokakaga fakavilivili te kau tagata tauhi ovi Fakakilisitiano ki te ʼu ovi fuli ʼae ʼe ʼaoga ki ai he tokoni fakalaumalie.—Skp 5:14, 15

• Neʼe tonu ke maumauʼi e te kau Iselaele ia meʼa fuli ʼae neʼe maʼu ai te kilia, ke mole mafola te mahaki. ʼE toe feia pe mo te kau Kilisitiano, ʼe tonu ke natou tali ke natou siʼaki ʼihi meʼa, tatau aipe pe ʼe natou leleiʼia, kae ke mole natou agahala ʼuhi ko te ʼu meʼa ʼaia. (Mat 18:8, 9) ʼE feala pe ke ui ko te ʼu meʼa ʼaia ʼe ko te ʼu agamahani, peʼe ko ni fakakaugā, peʼe ko he ʼu fakafiafia

ʼE fakaha feafeaʼi e he Kilisitiano ʼe loto moʼoni ke ina tali te tokoni ʼa Sehova?