Puipui Tokolua Maʼuli Fakataumatuʼa

ʼE maʼuhiga kia Sehova te ʼohoana. Neʼe ina ui ʼe tonu ki he taumatuʼa ke nā pipiki tahi. (Mat 19:5, 6) ʼE lahi te ʼu taumatuʼa ʼe maʼuli fiafia ʼi te hahaʼi ʼa Sehova. Kae ʼe mole he maʼuli fakataumatuʼa ʼe hao mai te ʼu fihifihia. Moka hoko he ʼu fihifihia, ʼaua naʼa tou mulimuli ki te manatu ʼa te malama ʼae ke tahi nofo peʼe mavete. ʼE lava puipui feafeaʼi ia he ʼu Kilisitiano kua ʼohoana ia tonā maʼuli fakataumatuʼa?

Koʼeni te ʼu manatu maʼuhiga ʼe nima.

1. Puipui tou loto ke mole ke manako ki he tahi age kae mole ko tou ʼohoana pea ke fakafisi ki te ʼu fakafiafia heʼe ʼaoga, he ʼe feala ke mole kei malohi ai ʼakolua felogoi fakataumatuʼa.—Mat 5:28; 2Pe 2:14.

2. Fakamalohiʼi ʼau felogoi mo te ʼAtua pea mo tau loto ʼae ke fiafia ʼi tokolua maʼuli fakataumatuʼa.—Pes 97:10.

3. Haga kofuʼi te ʼuluagaaga foʼou pea mo ke fakafiafiaʼi tou ʼohoana ʼaki tau aga, pea mo he tahi ʼu kiʼi faʼahiga meʼa pe ʼe ke fai.—Kol 3:8-10, 12-14.

4. Ke fakalotomalohiʼi tuʼumaʼu pe ʼakolua felogoi pea mo fai ʼaki te fakaʼapaʼapa.—Kol 4:6.

5. Fai tou maʼua ki tou ʼohoana ʼaki te ʼofa.—1Ko 7:3, 4; 10:24.

Ka fefakaʼapaʼapaʼaki he ʼu Kilisitiano ʼi tonatou maʼuli fakataumatuʼa, ʼe natou fakaʼapaʼapa ai ki te Tupuʼaga ʼo te ʼohoana, ia Sehova.

VAKAʼI TE ʼATA VITEO ʼE TONU KE TOU “FAʼA KATAKI ʼO LELE”—TOU MULIMULI KI TE ʼU LEKULA ʼO TE LELE, PEA MO TALI KI TE ʼU FEHUʼI ʼAENI:

• 

  ʼI te kamata, ʼe fiafia te taumatuʼa kae kotea leva ia te ʼu fihifihia ʼe feala ke hoko?

• 

  Kotea te ʼu pelesepeto Fakatohi-tapu ʼe tokoni anai ki he taumatuʼa ʼe nā manatu ʼe mole kei nā feʼofaʼofani?

• 

  Kotea te ʼu lekula neʼe fakatuʼu e Sehova ʼo ʼuhiga mo te maʼuli fakataumatuʼa ke nā maʼuʼuli fiafia?

• Kotea ʼae ʼe tonu ke fai e he taumatuʼa?