TE ʼU KOLOA ʼO TE TOHI-TAPU

ʼE Fakatuʼutuʼu e Sehova Tana Hahaʼi

[Fakahaʼele te ʼata viteo Fakamahino ʼo ʼUhiga Mo Te Tohi ʼo Numelo.]

Neʼe fakatahiʼi te ʼu fale la ʼa te kau Iselaele ʼo mulimuli ki te vaevae taki toko tolu ʼo te ʼu telepi (Nu 1:52, 53; w94 1/12 9 ¶4)

ʼI te nofoʼaga ʼo Iselaele, neʼe lagi ko hahaʼi ʼe toko 3 000 000 tupu (Nu 2:32, 33; it-1-F 385 ¶7)

ʼE loto e Sehova ke fakatuʼutuʼu leleiʼi te tauhi ʼa tana hahaʼi kia te ia. Neʼe tauhi feia te kau Iselaele, pea ʼe toe feia pe kia tatou ʼi te temi nei.—1Ko 14:33, 40.

Ko he pāki mai ʼoluga ʼo te foʼi nofoʼaga ʼo Iselaele. ʼE tuʼu te tapenakulo ʼi te lotomalie. ʼE nonofo ovi age ki te tapenakulo te ʼu famili ʼo te telepi ʼo Levi: Ia Alone ʼi te potu esite, te kau Keati ʼi te potu saute, te kau Kelesoni ʼi te potu uesite, pea mo te kau Melali ʼi te potu noleto. ʼE tuʼu mamaʼo age te ʼu telepi ʼe 12 ʼo Iselaele. ʼI te potu esite ko te ʼu telepi ʼo Isakale, mo Suta pea mo Sapulone. ʼI te potu saute ko te ʼu telepi ʼo Kate, mo Lupeni, pea mo Simeone. ʼI te potu uesite ko te ʼu telepi ʼo Pesamino, mo Efalaimi, pea mo Manase. ʼI te potu noleto ko te ʼu telepi ʼo Nefetali, mo Tane, pea mo Asele.

KE KE FAI TE FEHUʼI ʼAENI: “ ʼE au fakaha feafeaʼi ʼe au lagolago katoa ki te kautahi ʼa Sehova?”