Tou Faʼifaʼitakiʼi Ia Samuele

Neʼe nofo agatonu ia Samuele kia Sehova ʼi tona maʼuli katoa. Talu mai tana kei veliveli, neʼe mole ina faʼifaʼitakiʼi te ʼu aga kovi ʼae neʼe fai e te ʼu foha ʼo Eli, ko Ofeni mo Finesi. (1Sa 2:22-26) Nee lahilahi ake leva ia Samuele, pea neʼe nofo ia Sehova mo ia. (1Sa 3:19) ʼI tona temi matuʼa, neʼe nofo agatonu tuʼumaʼu pe Samuele kia Sehova, logo la te talagataʼa ʼo ʼona foha.—1Sa 8:1-5.

Kotea ʼe tou ako mai ia Samuele? ʼE mahino ia Sehova ki te ʼu fihifihia ʼae ʼe tau mo te kau tupulaga pea mo te ʼu meʼa ʼae ʼe natou logoʼi. ʼE feala ke tokoni atu ke kotou lototoʼa. (Esa 41:10, 13) Kapau ʼe ʼi ai he ʼu matuʼā ʼe mole tauhi ʼanatou fanau kia Sehova, ʼe feala ke natou maʼu he fakalotomalohi mai ia Samuele, he neʼe mole ina fakakinauʼi ʼona foha ke nā agatonu ki te ʼu lao ʼa Sehova. Neʼe ina tuku te aluʼaga ʼaia kia Sehova, kae haga nofo agatonu ia kia Sehova pea mo fakafiafiaʼi tona loto. ’E feala pe ke toe liliu mai ʼakotou fanau kia Sehova, ʼuhi ko takotou tuku he faʼifaʼitaki lelei.

SIOʼI TE ʼATA TOU FAʼIFAʼITAKIʼI IA SAMUELE, PEA MO TALI KI TE ’U FEHU’I:

• 

  Neʼe fakaha feafeaʼi e Samuele tana lototoʼa ʼi tana kei tamasiʼi?

• 

  Neʼe fakaha feafeaʼi e Danny tana lototoʼa?

• 

  Kotea te faʼifaʼitaki lelei neʼe tuku mai e Samuele ʼi tona temi matuʼa?

• 

  Kotea te faʼifaʼitaki lelei ʼe tuku mai e te ʼu matuʼā ʼa Danny?