TE MAʼULI FAKAKILISITIANO
ʼE Tokoni Mai Ia Sehova Ke Tou Tauʼi ʼOtatou ʼAhiʼahi
ʼI te ʼu ʼaho fakamuli ʼaeni, ʼe tou tau mo ni ʼahiʼahi faigataʼa. Kae kapau ʼe tou nonofo ovi kia Sehova, ʼe tokoni mai anai ke tou lava katakiʼi ʼotatou faigataʼaʼia fuli, maʼia mo ʼae ʼe kovi ʼosi. (Esa 43:2, 4) Kotea ʼe tonu ke tou fai ke tou fakaovi ai kia Sehova moka tou tau mo ni ʼahiʼahi?
Te Faikole. Ka tou faikole kia Sehova, ʼe ina foaki mai te tokalelei mo te malohi ke tou lava katakiʼi.—Flp 4:6, 7; 1Te 5:17.
Te ʼu Fono. ʼE ʼaoga ʼosi kia tatou te meʼa kai fakalaumalie pea mo tatatou fakatahi mo ʼotatou tehina mo tuagaʼane ʼi ʼatatou fono. (Hep 10:24, 25) Ka tou teuteuʼi ʼatatou fono mo kau ki ai pea mo faitali, ʼe tou maʼu ia te tokoni ʼo te laumalie maʼoniʼoni ʼo Sehova.—Apk 2:29.
Te Faifakamafola. Ka tou maʼumaʼua ʼi te gaue faifakamafola, ʼe tou tokaga tafito ki te ʼu manatu fakalotomalohi. Pea ʼe malohi mo ʼatatou felogoi lelei mo Sehova pea mo ʼotatou tehina mo tuagaʼane.—1Ko 3:5-10.
SIOʼI TE ʼATA ʼE TALI ANAI KOUTOU E SEHOVA, PEA MO TALI KI TE ʼU FEHUʼI ʼAENI:
Kotea ʼae neʼe tokoni kia Malu ke nofo ovi kia Sehova?
Kotea te fakalotofimalie ʼe feala ke tou maʼu mai te Pesalemo 34:18?
Neʼe ha feafeaʼi ʼi te aluʼaga ʼae neʼe hoko kia Malu, ʼe foaki mai e Sehova ia “te malohi makehe” moka tou tau mo ni ʼahiʼahi?—2Ko 4:7