TE ʼU KOLOA ʼO TE TOHI-TAPU

Neʼe Fakaha e Elifasi Te Mole Fakalotofimalie

Neʼe ui age e Elifasi kia Sopo ʼe mole feala anai ke fiafia te ʼAtua ʼi te tagata (Sopo 15:14-16; w05 15/9 26 ¶4-5)

Neʼe ui e Elifasi ʼe mamahi ia Sopo ʼuhi ko tana agakovi (Sopo 15:20)

Neʼe mole fakapelepele kia Sopo te ʼu palalau ʼa Elifasi (Sopo 16:1, 2)

ʼE tuhiʼi mo tukugakoviʼi e Elifasi ia Sopo, ʼae ʼe poloʼia tona sino katoa, kae mamata ʼana kaumeʼa kaka.

ʼE hala te ʼu palalau neʼe fai e Elifasi kia Sopo. ʼE maʼuhiga kia Sehova ʼatatou faiga ʼi tana tauhi. (Ps 149:4) Maʼia mo te kau agatonu ʼe feala ke natou tau mo he faigataʼaʼia.—Ps 34:19.

KE KE METITASIO KI AI: ʼE feafeaʼi hau “fai he ʼu palalau fakalotofimalie kia natou ʼae ʼe lotomamahi”?—1Te 5:14; w15 15/2 9 ¶16.