TE MAʼULI FAKAKILISITIANO
‘Fakafeʼauga Pe ʼi Te ʼu Meʼa ʼAe ʼe Maʼu’
Ka mole lahi ʼatatou koloa, ʼe feala ke tou fia fai he ʼu puleʼaki ʼe tou vaivai ai ʼi te faʼahi fakalaumalie. Ohage la, ko he faigamalie ke lahi age te falā ʼae ka tou maʼu kae ʼe faigataʼa age leva ai te tauhi kia Sehova. ʼE tonu ke tou metitasio kia Hepeleo 13:5.
“ ʼAua naʼa kotou manako ki te paʼaga”
Faikole mo vakaʼi tau manatu ʼo ʼuhiga mo te paʼaga pea mo fakakaukauʼi te faʼifaʼitaki ʼae ʼe ke tuku ki ʼau fanau.—g-F 9/15 6.
“Ke kotou fakafeʼauga pe ʼi te ʼu meʼa ʼae ʼe maʼu”
Toe vakaʼi tau manatu ʼo ʼuhiga mo te meʼa ʼae ʼe ʼaoga moʼoni atu.—w16.07 3 ¶1-2.
“ ʼE mole au tuku anai koe ʼi he temi, pea ʼe mole au liʼaki anai koe ʼi he temi”
Falala ʼe tokoni atu anai Sehova ke ke maʼu te ʼu meʼa ʼae ʼe ʼaoga ki te maʼuli moka ke fakamuʼamuʼa tona Puleʼaga.—w14 15/4 21 ¶17.
SIOʼI TE ʼATA KO ʼOTATOU ʼU TEHINA ʼE MAʼUʼULI ʼI TE TOKALELEI LOGO LA TE ʼU FAIGATAʼAʼIA FAKAEKONOMIKA, PEA MO TALI KI TE FEHUʼI ʼAENI:
Kotea ʼe tou ako mai te aluʼaga ʼa Miguel Novoa?